Levitico 26:8 - Ing Mayap a Balita Biblia

⁸ Daigan da la ring lima katau kekayu ding dinalan a kalaban, at ding dinalan a katau kekayu sambutan da la ring apulung libung kalaban.

Levitico 26:8 Iomraidhean Croise

1 Cronica 11:11

Ing mumuna ya i Jasobeam ning pamilya ning Hakmon. Ya ing manimuna da ring Atlu. Ya ing mekilaban karing atlung dalan a kalaban, at apate na la ngan king uli namu ning tandus na.

1 Cronica 11:20

I Abisai a kapatad nang Joab ya ing manimuna da ring Atlung Pulu. Ya ing mekilaban karing atlung dalan a kalaban at apate na la ngan king uli na ning tandus na. Meging pikabaluan ya karing Atlung Pulu a panimunan na.

Ester 9:16

Mitipun-tipun la naman ding aliwang Judio karing miyayaliwang lugal na ning kayarian at pigdipensa ra ing bie ra. Asambut da la ring kalaban da at mekapate lang pitung pulu't limang libu kataung masama karela. Oneng e ra teginan ing pibandian da.

Levitico 26:7

Mitakutan la kekayu ding kalaban yu at sambutan yu la king labanan.

Zacarias 12:8

King aldong ita ingatan na la ning Ginu detang manuknangan king Jerusalem; pati ing mainang dili karela maging masikan yang anti i David kanitang milabas a panaun. Ding manimuna karela ila ring lahi nang David, anti la ing anghel ning Ginu, anti ing Dios mismu.

Ding Bilang 14:9

Mu pin, e ya sukat lalabanan ing Ginu at e tamu sukat mitakutan karing taung manuknangan karin at sambutan ta la. E la masikan. E tamu sukat mitakutan karela uling kayabe ta ya ing Ginu; simbut na la ning Dios tamu ding kikilalanan dang dios.

Ding Bilang 31:4

Padala yang libu kataung pakasandata ing balang tribu.

Deuteronomio 28:7

Iligtas na kayu karing kalaban a lumusub kekayu at mamulayi lang tumakas king arapan yu. Metung la penibatan king paglub da, oneng misalbag lang pupulayi potang tumakas la kekayu.

Deuteronomio 32:30

Makananu na lang adaig ning metung a tau ding libu, at ding adua sambutan da la ring apulung libung tau subali mu nung gulutan na la at paburen ning Dios a Ginu ra.

Josue 23:10

Malyari na lang apayatrasan ning ninuman kekayu ding libung tau uling ing Ginung kekayung Dios ya ing makilaban para kekayu, antimo ing pengaku na.

Ukum 15:15

Kaybat na nita, ikit ne ing sikang na ning metung a bayu pa mung mete asno. Dinuku ya at dimput ne at iti ya ing ginamit nang pemakamate karing libu katau.