Levitico 26:7 - Ing Mayap a Balita Biblia

⁷ Mitakutan la kekayu ding kalaban yu at sambutan yu la king labanan.

Levitico 26:7 Iomraidhean Croise

1 Cronica 19:15

Inyang ikit da lang tatakas deti, tinakas na la naman ding sundalus na ning Ammon kang Abisai a kapatad nang Joab, at minta la king karelang siudad. Kaybat na nita, migbalik ne Jerusalem i Joab.

Ester 9:16

Mitipun-tipun la naman ding aliwang Judio karing miyayaliwang lugal na ning kayarian at pigdipensa ra ing bie ra. Asambut da la ring kalaban da at mekapate lang pitung pulu't limang libu kataung masama karela. Oneng e ra teginan ing pibandian da.

Ding Dalit 81:15

Galgal la at duku ding sablang kaku masama, at magdusa lang alang angga.

Levitico 26:36

At katmuan ku lang takut detang mitagan a tau kekayu. Agyang kaluskus mu ning bulung a pinaid ning angin mamulayi na la king takut da agyang alang kalaban a tatagal karela.

Levitico 26:6

Ibie ku king kekayung bansa ing kapayapan at matudtud kayung maniaman neng bengi a alang takut kenu man. Ilako ku la king bansa yu ding mabagsik a animal at e na mika gera king kekayung bansa.

Levitico 26:8

Daigan da la ring lima katau kekayu ding dinalan a kalaban, at ding dinalan a katau kekayu sambutan da la ring apulung libung kalaban.

Deuteronomio 28:7

Iligtas na kayu karing kalaban a lumusub kekayu at mamulayi lang tumakas king arapan yu. Metung la penibatan king paglub da, oneng misalbag lang pupulayi potang tumakas la kekayu.

Deuteronomio 32:30

Makananu na lang adaig ning metung a tau ding libu, at ding adua sambutan da la ring apulung libung tau subali mu nung gulutan na la at paburen ning Dios a Ginu ra.

Josue 23:10

Malyari na lang apayatrasan ning ninuman kekayu ding libung tau uling ing Ginung kekayung Dios ya ing makilaban para kekayu, antimo ing pengaku na.

Ukum 15:15

Kaybat na nita, ikit ne ing sikang na ning metung a bayu pa mung mete asno. Dinuku ya at dimput ne at iti ya ing ginamit nang pemakamate karing libu katau.

Ukum 4:16

Tegalan na lang Barak ding karu dang panggera at ding sablang sundalus na angga king Haroset-da-ring-Paganu, at mete la ngan ding sundalus nang Sisera. Alang mitagan metung man.

Ukum 7:23

Kanita meyaus la ding lalaki karing tribu nang Neftali, Aser, at ding aduang dake ning Manase at penagal da la ring Midianita.

1 Samuel 14:13

Kanita minukiat yang pagapang karing gamat na at bitis i Jonatan at tikian ne ning talapagdala nang armas. Miragsa la ding balang ayarapan na ning talapagdala nang armas at pete na la.