Levitico 26:6 - Ing Mayap a Balita Biblia

⁶ Ibie ku king kekayung bansa ing kapayapan at matudtud kayung maniaman neng bengi a alang takut kenu man. Ilako ku la king bansa yu ding mabagsik a animal at e na mika gera king kekayung bansa.

Levitico 26:6 Iomraidhean Croise

2 Ari 2:24

Belikdan na la reting anak at king lagyu ning Ginu sinumpa na la. Inya linto la ring aduang babaing oso a ibat king kagubatan at piglapak da la ring apat apulu't adua karing anak a lalaki.

1 Cronica 22:9

Makanyan man, mikayanak kang lalaki a mamahala king kapayapan at e de guluan ding kalaban na. Solomon ing maging lagyu na, uling dininan keng kapayapan at katahimikan king panaun na ning pamag-ari na king Israel.

2 Cronica 20:30

Meging mapayapa ya ing kayarian nang Jeosafat, uling nukarin mang suluk dininan neng kayapan ning Dios na.

Job 11:19

Ala kang takut karing kekang kalaban; dakal lang lumapit kekang maniawad kasaupan.

Job 5:23

Milako ya batu ing marangle kekang sasarulan, ding animal ning marangle e da ka lusuban.

Ding Dalit 144:14

Ding sese tamung baka dakal la sana; e la sa kamamaten anak o makikikuan. E na sana maramdam ing tangis ning lungkut at dusa karing kekatang dalan.

Ding Dalit 147:14

Ya ing babie kapayapan karing kekang angganan, at king mayap diling trigu karin na ka pakabsian.

Ding Dalit 29:11

Dinan ne sanang sikanan ining balen na; bendisyunan ne sa ning Ginu at dinan kapayapan.

Ding Dalit 3:5

Malyari na ku ngening magkera ban matudtud, at kaybat migising ku, uling ing Ginu ya ing magbante kaku.

Ding Dalit 4:8

Payapa kung magkera, at agad-agad mipapatudtud ku, uling ika mung bukud O Ginu, ing makapanatag king lub ku.

Ding Dalit 85:8

Ing sasabian ning Ginung Dios kakung pakiramdaman, uling ipangaku na ing kapayapan kekatamung memalen na, karetang tapat at karetang e na magbalik king karelang kamulangan.

Exodo 23:29

E ku la pa itabi kilub ning pabanua pota king pangalako na tau ning lugal, dakal na la man ding animal a mabagsik.

Ding Kasebian 3:24

Magkera kang alang takut at mipatudtud kang maniaman.

Ding Kasebian 6:22

Ing karelang tiru ya ing matnube keka king paglakad mu; ing mingat keka neng bengi at munie turu keka neng aldo.

Isaias 35:8

Mika malualas a dalan karin a mayaus Ing Dalan ning Kabanalan. E makadalan karin ing ninumang makasalanan ni makapaglinlang ding mangmang karing daralan.

Isaias 35:9

Karin alang mayakit a leon ni makalabas ding animal a mitmung bigsikan. Detang linigtas ning Ginu ilang dumalan king panuli ra karing karelang tuknangan.

Isaias 45:7

Lalalangan ku ing sala at dalumdum; parala kung kanawan at kapamahakan. Aku, ing Ginu, ing darapat kareti ngan.

Isaias 9:7

Ing makamal nang upaya manatiling daragul; manatili ing kapayapan king keyang kayarian. Manibala ya bilang kayalili nang Aring David, at makabasi ing upaya na king mayap at matulid manibat ngeni at angga na king kapilan pa man. Iti ngan daptan ning Ginung Mayupaya.

Jeremias 30:10

Taung kakung pinili, e kayu tatakut; memalen ning Israel, e kayu mangatakutan. Iligtas da kayu ibat king marayung bansa, king bansa nung nu kayu midalang bihag. Magbalik kayu king kekong bansa, at king kapayapan karin kayu manuknangan; mipanatag kayu bili at metung man ala nang mamatakut kekayu.

Jeremias 31:26

Inya ding tau karelang sabian, Metudtud ku at presku ku panamdam inyang migising ku.

Ezekiel 14:15

Mapalyaring padala kung mabagsik a animal ban paten da la ring tau, maging mapanganib yang bansa angga king ala nang malyaring makapaglakbe karin.

Ezekiel 14:17

Malyaring padala kung gera king bansang ita at parala kung mapanyirang espada ban gisanan la ding tau at ding animal.

Ezekiel 14:21

Iti ya ing sasabian na ning Ginung Dios: Parala ku ing apat a lalung mabayat a parusa king Jerusalem: ing gera, ing danup, ding mabagsik a animal, at ing salut ban gisanan da lang paten ding tau at ding animal.

Ezekiel 34:25

Gawa kung kasunduan a kayabe ra a munie katibayan king karelang kaligtasan. Ilako ku la king bansa ding sablang mabagsik a animal ban mangabiayan la ding kanakung tupa king mitmung kapayapan karing marangle, at makapagkera la karing kagubatan.

Ezekiel 34:27

Mamunga la ding tanaman, mika pupul karing marangle at ing balang metung mibiebie yang payapa king sarili nang bansa. Potang patluran ku na la ding tanikalang makagapus karing taung kanakung pinili at ibulus ku la karetang menipus karela, kanita ra akilala king aku ing Ginu.

Ezekiel 5:17

Paratang kung maragul a danup at mangalyap a animal ban makamate karing anak mu at paratang ku munamang pesti, katampalasan, at gerang makamate keka. Aku, ing Ginu, ing migsalita.

Hosea 2:18

At king aldong ita, gawa kung kasunduan karing sablang mabagsik a animal at ayup ban e ra la panasakitan ding kanakung pinili. Ilako ku la king bansa ding sablang sandatang gagamitan da king gera antimo ding espada at pana. At paburen ku lang mibiebie king kapayapan at kapanatagan ding taung kanakung pinili.

Hosea 2:20

Tuparan ku ing kakung pangaku, at gawan da kang bandi ku, at kilalanan mu king aku ing Ginu.

Levitico 25:18

Inya ingatan yu la't tuparan ding sablang kautusan at panabilin ku ban mipanatag kayu lub king gabun a sakupan yu.

Levitico 25:19

Palto na ning gabun ing sablang kailangan yung kabiayan, kumabsi kayu at mibiebie kayu king mitmung kapanatagan.

Levitico 26:22

Paburen ku lang gumala ding mabangis a animal at paglaklakan da la ring anak yu at ding sese yung animal. Ditak na la ding mitagan kekayu at mag-ari ing kalungkutan king bansa yu.

Levitico 26:25

Lumusub la ding kalaban yu at dakal lang mate kekayu uli na ning e yu pamanupad king kasunduan tamu. At nung salikut kayu karing siudad yu, padala na ku mang salut karin at mapilit kayung sumuku karing kalaban yu.

Levitico 26:7

Mitakutan la kekayu ding kalaban yu at sambutan yu la king labanan.

Mikeas 4:4

Ing balang metung mibiebie ya king kapayapan libutad ning sarili nang ubasan at tanaman a higera, at ala nang munie takut kaninu man. Iti ya ing pengaku na ning Ginung Mayupaya.

Zepania 3:13

E na la gawang nanumang e mayap kenu man ding mitagan nang memalen ning Israel o magsalitang kalaraman o maglinlang. Mipala la at mipanatag a kabilian, at ala nang takut kaninu man.

Hageo 2:9

Maging maygit ya leguan ing bayung Templo kesa king minunang mitalakad. At karin ku ibie karing memalen ku ing kanawan at ing kapayapan. Ing Ginung Mayupaya ya ing migsalita.

Zacarias 9:10

Ngana ning Ginu, Ilako ku na la ding karung panggera ning Israel, at ding kabayung pakigera karin king Jerusalem; ding pana a magagamit king labanan kaku na la ngan siran. Kapayapan ing itatag ning kekong ari karing miyayaliwang kayarian; ing pamamahala na magumpisa king dagat angga king kasumangid a dagat; manibat king Ilug ning Eufrates angga na karing sepu ning yatu.

Juan 14:27

Ing kapayapan lalakuan ku kekayu; ing kanakung kapayapan babie ku kekayu, ing kapayapan a e na kalupa ning babie ning yatu. E kayu sukat mababalisa o mitakutan man.

Ding Dapat 12:6

Kanitang benging bayu ne iyarap Herodes king balen, matudtud ya i Pedro pilatan da ring aduang guardia. Makatali ya karing aduang tanikala. Atin munamang guardiang makabante king pasbul ning sukulan.

Roma 5:1

Inya ngening mipatawaran na ing kasalanan tamu king kapamilatan na ning kasalpantayanan, mika kapayapan tamu king Dios king kapamilatan na ning Ginu tamung Jesu-Cristo.