Levitico 26:5 - Ing Mayap a Balita Biblia

⁵ Dakal ing kekayung pupul angga king mikit ing kekayung pamamalut ila ning pamanagtal yung ubas, at e kayu pa man meyaring menagtal ubas datang na ing panaun na ning pamanasik. Maglabis-labis ing kabiayan yu at mibiebie kayung panatag.

Levitico 26:5 Iomraidhean Croise

Ding Dalit 144:13

Karing miyayaliwang pupul kumatmu la sana ding kekeng bangan, at ding tupa naman karing marangle laksa-laksa la sanang manganak.

Ding Dalit 90:1

Ginu, ika ing kekeng meging tuknangan karing dakal a panaun a milabasan.

Exodo 16:8

Ngana pang Moises, Ing Ginu ya ing munie karni kekayu neng sisilim at munie tinape kekayu neng abak anggang bisa kayu, uling dimdam na nung nu anti karagul ing pamagreklamu yu. Neng magreklamu kayu laban kekami, king Ginu kayu tune magreklamu at e kekami.

Ding Kasebian 1:33

Oneng ing makiramdam kanaku mika kapayapan ya ampon kapanatagan at e mitakutan.

Ding Kasebian 18:10

Mengari ya ing lagyu ning Ginu king toreng matibe; kambilan ne ing taung banal king oras ning pamangailangan.

Isaias 1:19

Nung bisa ka mu at mamintu kanaku, ibie ku keka ing mayap a bage bubunga na ning gabun.

Isaias 30:23

Paratang yang uran ing Ginu kapilan mang mananaman kayu ban paragulan na la at dinan na kayung dakal a pupul at mika malabung lang pastulan ding kekayung baka.

Jeremias 23:6

Potang ya na ing ari, mipanatag la bili ding memalen na ning kabilugan a Juda at mibiebie la ding memalen na ning Israel king kapayapan. Mayaus yang Ing Ginu ya ing Talapagligtas tamu.

Hosea 2:18

At king aldong ita, gawa kung kasunduan karing sablang mabagsik a animal at ayup ban e ra la panasakitan ding kanakung pinili. Ilako ku la king bansa ding sablang sandatang gagamitan da king gera antimo ding espada at pana. At paburen ku lang mibiebie king kapayapan at kapanatagan ding taung kanakung pinili.

Hosea 2:20

Tuparan ku ing kakung pangaku, at gawan da kang bandi ku, at kilalanan mu king aku ing Ginu.

Joel 2:19

Pekibatan na la; ngana, Ngeni kekayu ibie ku binutil, alak, at larung olibo at kumabsi na kayu. Ing pamaninsultu da kekayu ding aliwang bansa tuknangan da na.

Joel 2:22

Ikong animal, e ko sa mitatakutan uling sagiwa na lang kekong pastulan; ding tanaman mamunga na la ngan, at dakal lang bungang higera at ubas.

Joel 2:26

Ngeni mika pamangan kang dakal at kumabsi ka. Ing Ginung kekang Dios keka yang purian, ing dinapat makapagmulalang bage para keka. E ne pasibayu pang mainsultu ing kakung balen.

Amos 9:13

Nganang magsalita ning Ginu, Ding aldo daratang la, potang e la pa man meyaring tinanam ding tau atin na lang pupupulan, at ding gagawang alak e ra la pa ayagad ding mamunga rang ubas. Magus karing bunduk ing mayumung alak, at taglus iti karing bunduk-bundukan.

Mateo 23:37

Jerusalem, Jerusalem! Ika ing makamate karing propeta at mamasibas karing tinubud ning Dios keka! Mekatapilan ing buri ku lang tipunan ding kekang anak, antimo nung makananu na lang titipunan ning gaindung manuk ding sisi na lalam nang pakpak, oneng e ka bisa!

Ding Dapat 14:17

Makanyan man dininan na kayung masalang tanda tungkul king sarili na king kapamilatan da ring mayap a bage daraptan na kekayu; dirinan na kayung uran ibat banua at ya ing babie bunga karing tanaman yu king karampatan a panaun; ya ing babie pagkabie at mangatmung tula kekayu.

Deuteronomio 11:15

at dikut king marangle para karing sese yung animal. E kayu magkulangan king nanumang kailangan yu.

1 Timoteo 6:17

Iyutus mu karing mabandi king e la sa mapagmaragul ni manalig king pibandian a alang kapilmian; nune manalig la king Dios a babie labis-labis king bage a makaligaya kekatamu.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.