Levitico 26:44 - Ing Mayap a Balita Biblia

⁴⁴ Makanyan man, e ku la lubus painggulutan o gisanan a lahi kabang atyu la king bansa da ring kalaban ban e ya miwakasan ing kasunduan a pikayari mi ding pipumpunan da. Aku ing Ginung karelang Dios.

Levitico 26:44 Iomraidhean Croise

Genesis 17:7

Tuparan ke iting kasunduan ku keka at pati na karing maging lahi mu king daratang a panaun. Ala yang kawakasan iting kasunduan: maging Dios mu ku at maging Dios da ku munaman ding maging lahi a salisi keka.

2 Ari 13:23

Oneng meging malunusan ya at maganaka karela ing Ginu uli na ning kasunduan na kang Abraham, Isaac, at Jacob. E na peintulut ing magisan lang mate, inya sinaupan na la; e na la kelinguan angga ngeni.

Nehemias 9:17

Karing utus mu e la memintu; kelinguan da ing sablang bage pagmumulalan a depat mu; buntuk da pepasias da la, at memili lang karela manimuna ban king Ehipto maging ipus pasibayu. Oneng metung kang Dios a makasadiang mamatawad, maganaka, at malunusan, e agad mimua, at tune malugud. Inya e mu la pepaburen.

Nehemias 9:31

Makanyan man, e mu la gilutan at gisan uli ning maragul mung kapakaluluan. Dios kang maganaka at malunusan.

Ding Dalit 103:13

Nung makananu na lang lulunusan ning tata ding anak na, makanyan na la naman lulunusan ning Ginu ding ating takut king kadiosan na.

Ding Dalit 89:33

Oneng ing lugud ku kang David e miwakasan; ing pangakung binie ku kakung tuparan.

Ding Dalit 94:14

E na la gulutan ning Ginu ding memalen na ni lakuan ding taung pakamalan na.

Jeremias 14:21

Ganakan mu la sa ding pangaku mu; e mu ke sa lalakuan, e me sa bibili king kamarinayan ing Jerusalem, ing karinan ning marangal mung tronu. E me sa sisiran ing kasunduan a gewa mung kayabe mi.

Jeremias 24:5

Aku, ing Ginu, ing Dios ning Israel, lalawen ku la ding taung mebihag at midala king Babilonia a kalupa da reting mayap a bungang higera at pakiutusan ku lang ating ganaka.

Jeremias 30:11

Datangan da kayu at iligtas. Lasakan ku la ngan ding sablang bansa nung nu ra kayu inugse, oneng e ra kayu gisanan paten. E ku paintulut ing e kayu miparusan; oneng potang parusan da na kayu, ing karapatdapat ya ing iyatul ku kekayu. Aku, ing Ginu, ing migsalita.

Jeremias 31:20

Israel, ika ing pakamalan kung anak, ing anak a tutu kung kaluguran. Neng babanggitan ke ing kekang lagyu, agaganaka da kang mitmung lugud. Titibuk ya ing pusu ku para keka; maging malunusan ku keka.

Jeremias 33:26

Nung makananu kung depat iti, makanyan ku munamang papanatilian ing kanakung kasunduan karing anak nang Jacob at kang David a kanakung talasuyu. Mamili kung metung karing lahi nang David ban manimuna karing lahi nang Abraham, Isaac, at Jacob. Maging malunusan ku karing taung kanakung pinili at pasibayu ku lang gawan mapala.

Ezekiel 16:60

Oneng kilalanan ke ing kasunduan a gewa ku keka inyang kayanakan ka, at kayabe mu gawa kung kasunduan a manatili kapilan man.

Levitico 26:11

Manuknangan ku libutad yu at e ra kayu painggulutan kapilan man.

Roma 11:2

E ne tinggian ning Dios ing balen na, ing balen a pinili na ibat pa king kamumulan. Balu yu nung nanu ing sasabian na ning kasulatan tungkul king pamakisabi nang mayap ning propeta Elias king Dios laban king Israel.

Roma 11:26

King makanyan a paralan ya mikabus ing mabilug a Israel, agpang king sasabian na ning kasulatan, Ing Talapagligtas manibatan ya king Zion, idayu na ing sablang e mayap karing lahi nang Jacob.

Ukum 2:1

Menibat king Gilgal minta ya ing anghel ning Ginu king Bokim. At ngana karing Israelita, Liwal da kayu manibat Ehipto at dela ra kayu king gabun a pengaku ku karing makatua yu. Sinabi ku, E ke labagan kapilan man ing kasunduan ku kekayu.