Levitico 26:43 - Ing Mayap a Balita Biblia

⁴³ Pero bayu datang ing panaun a ita, sukat ya pa mung milikas a tau ing gabun ban lubus yang makapagpaynawa at ban takman da ing parusang ipagpa ku karela uli na ning e ra pamamintu karing kautusan at tuntunan ku.

Levitico 26:43 Iomraidhean Croise

2 Cronica 33:12

Uli na ning kasakitan a delanan na, migpakumbaba ya at minaus king Ginu, ing Dios da ring makatua na.

2 Cronica 36:21

Makanyan yang metupad ing ula nang propeta Jeremias a ing gabun makapagpaynawa ya kilub ding pitung pulung banua ban makapagbawi ya king e na pamagselebra king paynawa ning Sabbath.

Job 5:17

Lawan mu, masaya ya itang sasabian na ning Dios, inya e ka sa mimimua, nung paniabianan na ka.

Ding Dalit 119:67

Inyang e mu ku pa perusan, melili ku, oneng ngeni amanu mu kakung tutuparan.

Ding Dalit 119:71

Mekakayap kaku ing dinalan kung kasakitan, uling kaku lang apagaralan ding kekang kautusan.

Ding Dalit 119:75

Balu ku, O Ginu, king e la mangabiran ding utus mu; uli ning kekang katapatan perusan mu ku.

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ding Dalit 50:17

Uling kekong tatanggian ing itulid ke ing kekong dalan, at e tatanggapan kakung kautusan.

Isaias 26:16

O Ginu, ding taung kekang pinili keka lang pepagdusan, at king karelang kasakitan ika ing karelang ausan.

Jeremias 31:19

Ginulut ke keka, oneng e migluat mignasa keng mibalik. Kaybat mu keng perusan, diku mi la ding kekeng buntuk king lungkut. Mengapakarine kami at milako dangalan, uling mikasala kami inyang kayanakan kami.

Daniel 9:14

Ika, O Ginung kekaming Dios, makasadia kang parusan mu kami at gewa mu ita, uling parati mung daraptan ing matulid at e ke mekiramdam keka.

Levitico 26:11

Manuknangan ku libutad yu at e ra kayu painggulutan kapilan man.

Levitico 26:15

Nung payalan yu lang ulaga ding utus ku at tuntunan at labagan ing kasunduan kung gewa kekayu,

Levitico 26:30

Idagsa ku la ding lugal a pisasamban yung atyu babo da ring bunduk-bundukan, lasakan ku la ding altar a pidurulukan yung insenso, at italaksan ku la ding bangke yu babo da ring idolo yung mengaragsa. Uli na ning pangasumami ku kekayu

Levitico 26:41

inya paburen ku lang mebihag at miyugse king bansa da ring kalaban da. Nung magpakumbaba la at sumisi king kasalanan da,

Amos 5:10

Kasaman yu la ding taung papakilala king e matulid at ding taung magsalita king mabilug a katutuan arapan na ning husgadu.

Zacarias 11:8

Milako ku kapibabatan karing atlung pastul a masama kanaku. At kilub na mu ning pabulan tinabi ku la.

Juan 7:7

E na kayu pikasaman ning yatu, oneng kasaman na ku uling patutuan ku king ding dapat na marawak la.

Roma 8:7

Inya maging kalaban ne ning Dios ing taung mimisip ketang aduan na ning katutubu rang pangatau, uling iti e mamintu king kautusan na ning Dios, at king kamatutuanan e na agyung pamintuan.

Deuteronomio 32:36

Iligtas na la ning Ginu ding taung pinili na; karetang susuyu malunus ya potang mewala na ing sikanan da, at karela ala nang makatagan, malaya o ipus man.