Levitico 26:42 - Ing Mayap a Balita Biblia

⁴² aku, ing Ginu, ganakan ke itang kasunduan a pikayari mi ri Jacob, Isaac, at Abraham. E kia naman kalinguan itang pengaku kung gabun para karela.

Levitico 26:42 Iomraidhean Croise

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

Genesis 26:2

Pepakit ya ing Ginu kang Isaac at ngana, Isaac, e ka pupunta Ehipto nune manatili ka king lugal a ituru ku keka.

Genesis 26:24

Pepakit ya kang Isaac ing Ginu ketang benging ita. Ngana, Aku ing Dios nang Abraham a tata mu; e ka mitatakutan; kayabe mu ku. Bendisyunan da ka at kaku lang parakalan ding lahi mu uli nang Abraham a kakung talasuyu.

Genesis 26:5

Uling pekiramdaman na kung Abraham at pemintuan na ing parapat ku: ding kautusan ku at ding batas ku, bendisyunan da ka.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 28:15

Tandanan mung kayabe mu ku; ingatan da ka nukarin ka man munta at ibalik da ka king gabun a iti. E ra ka lakuan angga king atuparan ku ing pengaku ku keka.

Genesis 35:11

Ngana pa ning Dios, Aku ing Dios a Mayupaya. Parakalan mu la ding anak mu. E ya mu metung a bansa nune dakal la ding bansang bilugan da ring lahi mu. Maging ari la ding aliwa karela.

Genesis 35:12

Ibabie ke keka at karing lahi mu ing gabun a binie ku kang Abraham at kang Isaac.

Genesis 9:15

ganakan ke ing kasunduan a gewa ku kekayu at ding sablang mabie. E na mika albug pa a gumisan karing mabie.

Genesis 9:16

Neng lunto ya ing pinanari karing biga at akit ke, kanita ke ganakan ing alang anggang kasunduan a gewa ku ampon ding sablang mabie lelangan keti king yatu.

Ester 4:14

Nung manatili kang e bubulad king panaun a anti ngeni, pihung ibat king aliwang lugal ating magligtas karing Judio, oneng ika at ing lahi mu mate ya. Ninu mo ing makibalu king inya atyu ka ngeni king palasyu uli na ning problemang iti?

Ding Dalit 106:45

Alang-alang karela, genaka ne itang kasunduan da; uling tutu nong kaluguran, penupaya na la.

Ding Dalit 136:23

E na katamu kelinguan inyang mesambut tamu; uling ing lugud na alang angga.

Exodo 2:24

Dimdam na ing saingsing da at aganaka na ning Dios itang kasunduan na kari Abraham, Isaac, at Jacob.

Exodo 6:5

Dimdam ku ing saingsing da ring Israelitang inipusan da ring tau Ehipto at aganaka ke ing kasunduan ku.

Isaias 14:1

Pasibayu yang malunus ing Ginu karing memalen na ning Israel at pilinan na la pa mu rin maging memalen na. Pasibayu na lang ibalik king sarili dang bansa at datangan da la ring dayuan at manuknangan lang kayabe ra.

Ezekiel 16:60

Oneng kilalanan ke ing kasunduan a gewa ku keka inyang kayanakan ka, at kayabe mu gawa kung kasunduan a manatili kapilan man.

Joel 2:18

Kaybat, ing Ginu pepakit yang masabal king bansa na; karing memalen na melunus ya.

Lucas 1:72

Pengaku na naman ing pakit yang lunus karing makatua tamu, at ganakan ne ing banal nang kasunduan.

Deuteronomio 4:31

Malunusan ya ing Ginung kekayung Dios, e na kayu gulutan o gisanan paten o kalinguan itang kasunduan a pengaku nang tuparan karing makatua yu.

Deuteronomio 9:27

Ganakan mu la sana ding talasuyu mung i Abraham, Isaac, at Jacob. E mu na sana papansinan ing kesiasan dang buntuk deting tau o ing karelang e ustung dapat o ing kasalanan da.

Ukum 2:1

Menibat king Gilgal minta ya ing anghel ning Ginu king Bokim. At ngana karing Israelita, Liwal da kayu manibat Ehipto at dela ra kayu king gabun a pengaku ku karing makatua yu. Sinabi ku, E ke labagan kapilan man ing kasunduan ku kekayu.