Levitico 26:41 - Ing Mayap a Balita Biblia

⁴¹ inya paburen ku lang mebihag at miyugse king bansa da ring kalaban da. Nung magpakumbaba la at sumisi king kasalanan da,

Levitico 26:41 Iomraidhean Croise

1 Ari 21:29

E me apansinan nung makananu yang migpakumbaba kanaku i Ahab? Anti na ning migpakumbaba ya, e ku ibalaus ing kasiran kabang mabie ya; datang mu ing kasiran king pamilya na king panaun na ning anak nang lalaki.

2 Cronica 12:12

E mikalabkab ing mua ning Ginu kang Rehoboam uling migpakumbaba ya. Inya e ya lubus masira at meging maayus ing sabla king Juda.

2 Cronica 32:26

Oneng e miglambat migpakumbaba ya at sinising abe ding memalen na ning Jerusalem. Inya e digpa ing mua ning Ginu king kayarian kabang mabie ya i Hezekia.

2 Cronica 33:19

Makasulat ne man king Istoria da ring Propeta ing panalangin na at ing pekibat ning Dios. Makasulat munaman karin ing kasalanan na at ing depat nang kataksilan pati na ding pepagawa nang pisasamban karing lugal a mangatas, ding pepagawa nang larawan nang Asera at ding pepagawa nang rebultu bayu ya mibalik lub king Dios.

2 Cronica 33:23

E ya migpakumbaba king Ginu; e ne pekiapusan i tata na a migpakumbaba arapan ning Ginu. Mangaragul ing pamikasalang depat na.

Ezra 9:13

Kaybat mi lang pipulan ding depat ming kasalanan at dewakan, balu mi, O Dios, king mayan mu ing parusang pepagpa mu kekami, at peintulut mu ing ating mitagan kekami.

Ezra 9:15

O Ginung Dios ning Israel, makatuliran ka; peintulut mu ing mitagan kami. Tatanggapan mi king mikasala kami keka; ala keng matulid talakad arapan mu.

Nehemias 9:33

Atin kang matulid ing perusan mu kami; tapat ka kekami agyang mikasala ke keka.

Ding Dalit 39:9

E ku bubulad; asbuk ku e biklat, uling balu ku king iti kekang dapat.

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Jeremias 4:4

Ikayung memalen ning Juda at Jerusalem, tuparan ye ing kasunduan a gewa yung kayabe ku, ing kekayung Ginu, at italaga yu ing kekayung sarili kanaku. Nung ali, mikalabkab anting api ing mua ku uli da ring e mayap a bage depatan yu. Manduluk ya at metung man alang makapatda kaniti.

Jeremias 6:10

Ngaku, Ninu ing makiramdam kanaku, nung magsalita ku karela at dinan ku lang babala? Masias la buntuk at e la bisang makiramdam king pasabi mu; gagawan dang pikaylian ing pasabi mu kanaku karela.

Ezekiel 14:23

Abalu mu kanita king ating sangkan ing metung at metung king depat ku. Ing Ginung Dios ya ing migsalita.

Ezekiel 20:43

Kanita yu la aganaka ding sablang makarine bage a depat yu at nung makananu yung dinatan ing kekayung sarili. Masumami kayu king sarili yu uli da ring bage e mayap a depat yu.

Ezekiel 44:7

Mesalaula ya ing Templo ku uling peintulutan yu lang linub ding dayuan a e mesirkunsisyun at ding marinat a pamisip at pusu inyang inain yu ing taba at ing daya da ring animal para ain-sakripisyu. Inya dinatan de ing Templo ku. At ikayu naman, subali pa karetang bage makasumaming depat yu, lebagan ye pa ing kakung kasunduan.

Ezekiel 44:9

Inya aku, ing Ginung Dios, sasabian ku king ala nang dayuan a e mesirkunsisyun at ating marinat a isip at pusu ing malyaring milub king Templo, agyang pang dayuan lang mekipamalen na karing memalen na ning Israel.

Ezekiel 6:9

nung nu la manuknangan king pangayugse. Aganaka da ku karin at akilala da king perusan ku la at leko dangalan, uling ginulut la kanaku ding pusu rang taksil at mas liguran da la ring idolo kesa kanaku. At mandiri la king sarili da uli na ning e mayap at makasumaming bage depat da.

Levitico 26:24

dagdagan ku na namang pitung besis ing kasakitan a ipagpa ku kekayu.

Levitico 26:28

kanita na mibua ing mua ku kekayu at dagdagan ku na namang pitung besis kabagsik ing kasakitan a ipagpa ku kekayu

Ding Bilang 5:7

Inya sukat nang kilalanan king mikasala ya at sukat yang mamayaran ganap king diptananan nang e ustu, at patubuan ne pang beinti por sientu.

Mateo 23:12

Mibaba ya ing ninumang mitatas king sarili na, at mitas ya ing ninumang mibababa king sarili na.

Lucas 14:11

Uling ing ninumang magmatas mibaba ya, at ing ninumang magpakumbaba mitas ya.

Lucas 18:14

Sasabian ku kekayu, nganang Jesus, Ing lalaking iti ya ing minuling mekilalang banal arap ning Dios at aliwa itang metung. Uling ing ninumang mitatas king sarili na mibaba ya, at ing ninumang magpakumbaba mitas ya.

Ding Dapat 7:51

Mangasias kayu wari lub; tutu na la waring alang pakiramdam ding pusu yu? Tutu na kayu waring mengaklak ban e yu pansinan ing amanu na ning Dios? Ala kayung keyaliwa karing kekayung makatua; e ye munaman patugutan sasagkan ing Banal a Espiritu!

Galacia 5:6

Uling potang makayabe tamu kang Cristo Jesus, mesirkunsisyun ka man o ali, parehu mu; ing maulaga ya ing kasalpantayanan a darapat king kapamilatan na ning lugud.

Deuteronomio 10:16

Inya maging mapamintu kayu at e masias a buntuk king Ginu.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

Deuteronomio 31:21

Datang kanita karela ing dakal a sakit at kaguluan. Oneng iting kanta a e ra akalinguan ding karelang lahi, arapan na la anting peka saksi ku laban karela. Ngeni pa balu ku na ing isipan da agyang e la pa miras king gabun a pengaku kung ibie karela.

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

Colosas 2:11

Mesirkunsisyun kayu king pangayabe yu kang Cristo, e king sirkunsisyun a karaniwan dang daraptan ding tau, nune king pamagsirkunsisyun nang Cristo, ing sirkunsisyun a lubus midadayu kekayu king upaya na ning palpikasalang laman.