Levitico 26:4 - Ing Mayap a Balita Biblia

⁴ kanita parala kung uran king takdang panaun ban mamunga lang dakal ding tanaman yu.

Levitico 26:4 Iomraidhean Croise

1 Ari 17:1

Ating metung a propeta a tau Tisbe, Gilead. Elias ing lagyu na. Nganang sinabi kang Aring Ahab, King lagyu na ning Ginu, ing mabie Dios ning Israel a kakung susuyuan, sasabian ku keka: e muran o mambun man kilub ding adua o atlung banua anggang e ku sabian.

Job 5:10

Parala na king yatu ing uran, at paranuman na lang marangle.

Ding Dalit 104:13

Ibat king matas mung tuknangan tutugtugan mu la ding kabundukan angga king kumatmu ing gabun king babie mung kalam.

Ding Dalit 67:6

King kekeng asikan dakal ing kekeng pipulan, ing Dios, ing kekatamung Dios, ya ing minie kaniti ngan.

Ding Dalit 67:7

Binendisyunan na katamu ngan ning Dios; sana igalang de't pitakutan nukarin man.

Ding Dalit 68:9

O Dios, peparala mu ing dakal a uran; binayu me sikanan ing maina mung bansa.

Ding Dalit 85:12

Wa, ibie ning Ginu ing sablang kasaplalan, at king asikan tamu dakal ing kekatamung pupul.

Ding Dalit 85:13

Manimuna ya at tuki ing katuliran, at isadia neng dalanan na.

Isaias 30:23

Paratang yang uran ing Ginu kapilan mang mananaman kayu ban paragulan na la at dinan na kayung dakal a pupul at mika malabung lang pastulan ding kekayung baka.

Isaias 5:6

Paburen kung dagul nang dagul ing dikut at suksuk. E ke linisan o gambulan man, oneng paburen keng mapuput ya karing miyayaliwang suksuk. E ku paintulut dugpa ing uran king mulahan ubas.

Jeremias 14:22

Ala metung man karing idolo ding bansa a makaparatang uran; ing banua king sarili na e makabaldug uran ditak man. Binili mi ing kapanayan mi keka, O Ginung kekeng Dios, uling ika mu ing makarapat kareting bage.

Ezekiel 36:30

Parakalan ku la bunga ding tanaman yu at marangle ban e na mika danup a pasari king pangalako yu dangalan libutad da ring bansa.

Joel 2:22

Ikong animal, e ko sa mitatakutan uling sagiwa na lang kekong pastulan; ding tanaman mamunga na la ngan, at dakal lang bungang higera at ubas.

Levitico 25:19

Palto na ning gabun ing sablang kailangan yung kabiayan, kumabsi kayu at mibiebie kayu king mitmung kapanatagan.

Levitico 25:21

Aku, ing Ginu, bendisyunan ke ing gabun king kanam a banua ban mamungang sapat kilub ding atlung banua.

Zacarias 8:12

Mananaman la libutad ning kapayapan. Mamunga la ding karelang tanaman a ubas, palto yang dakal a pagkabiayan ing gabun, at mabaldug ing dakal a uran. Ibie ku iting sablang kanawan karing memalen a mitagan niting bansa.

Mateo 5:45

Kanita maging tune na kayung anak ning Ibpa yung atyu banua, uling papaslag ne ning Dios ing aldo na karing e mayap at karing mayap a tau, at babie na ing uran na karing darapat mayap at karing darapat e mayap.

Ding Dapat 14:17

Makanyan man dininan na kayung masalang tanda tungkul king sarili na king kapamilatan da ring mayap a bage daraptan na kekayu; dirinan na kayung uran ibat banua at ya ing babie bunga karing tanaman yu king karampatan a panaun; ya ing babie pagkabie at mangatmung tula kekayu.

Deuteronomio 11:13

Inya pamintuan yu la ding utus a sinabi ku ngening aldong iti kekayu: luguran ye ing Ginung kekayung Dios at suyuan ye king mabilug yung pusu.

Deuteronomio 11:14

Nung daptan yu iti, pauranan na ing gabun yu king oras a kailangan yu, king isanumang panaun ban mupul kayung trigu, ubas, at larung olibo,

Deuteronomio 28:12

Ibuklat ne ning Ginu ing banua, ing simpanan ning pibandian na, ban itugtug na ing uran a kailangan ning marangle yu at bendisyunan na ing sablang daraptan yu. Inya ikayu ing pautang karing dakal a bansa at aliwa ikayu ing manutang.

Santiago 5:7

Inya, mibabata kayu, kapatad, mibabata kayu angga king paniatang na ning Ginu. Lawan yu nung makananu yang manenayang mitmung kapibabatan ing metung a ortelanu bayu mikabungang maulaga ing gabun na. Mapibabata yang manenaya king mumuna at tauling uran.

Kapahayagan 11:6

Atin lang upayang isara de ing banua ban e muran king panaun ning pamanaral da king amanu na ning Dios. Atin la namang upayang gawan dang daya ing danum at padalang salut king yatu kapilan man buri dang mapalyari.