Levitico 26:3 - Ing Mayap a Balita Biblia

³ Nung pamintuan yu la ding kautusan ku at nung tukian yu la ding tuntunan ku,

Levitico 26:3 Iomraidhean Croise

Nehemias 1:9

Nung mibalik kayu kanaku at tupad karing utus ku, tipunan da kayu nu kayu man miyugse at ibalik da kayu ketang lugal a pinili ku nung nu yu ku samban.

Exodo 23:25

Nung samban yu ku, aku, ing Ginung kekayung Dios, bendisyunan da kayu; dinan da kayung pamangan, inuman, at ilako ku ing nanumang sakit libutad yu.

Isaias 1:19

Nung bisa ka mu at mamintu kanaku, ibie ku keka ing mayap a bage bubunga na ning gabun.

Isaias 30:23

Paratang yang uran ing Ginu kapilan mang mananaman kayu ban paragulan na la at dinan na kayung dakal a pupul at mika malabung lang pastulan ding kekayung baka.

Jeremias 11:4

Iti ya ing kasunduan a pikayari mi ding makatua yu kanitang liwal ku la karin Ehipto, ing bansang mengaring milalablab a ornu para karela. Sinabi ku karela king pamintuan da ku at tuparan ing sablang inutus ku. Sinabi ku karela king nung pamintuan da ku ila ding maging taung pinili ku at aku naman ing maging Dios da.

Levitico 19:25

Pero king kalimang banua malyari na kayung mangan karing bunga ra. Nung tuparan yu iti, lalu lang mamungang dakal ding tanaman a tenam yu. Aku ing Ginung kekayung Dios.

Zacarias 8:12

Mananaman la libutad ning kapayapan. Mamunga la ding karelang tanaman a ubas, palto yang dakal a pagkabiayan ing gabun, at mabaldug ing dakal a uran. Ibie ku iting sablang kanawan karing memalen a mitagan niting bansa.

Malakias 3:10

Idala yu ing mabilug yung sikapulu king Templo ban mika ating dakal a pamangan karin. Subukan yu ku at aku naman ibuklat ku la ding awang ning banua, at itugtug ku ing dakal a mayap a bage para kekayu.

Deuteronomio 7:12

Nung pakiramdaman yu la at pamintuan mitmung katapatan deting kautusan, ing Ginung kekayung Dios naman tuparan na itang pengaku na kekayu a sinabi na king kapamilatan da ring makatua yu, at ibie na kekayu ing lugud nang e kukupas.

Kapahayagan 22:14

Mapalad la detang pipipian da ing karelang imalan uling mirinan lang karapatan lungub king siudad at mangan karing bunga na ning tanaman a babie bie.