Levitico 26:25 - Ing Mayap a Balita Biblia

²⁵ Lumusub la ding kalaban yu at dakal lang mate kekayu uli na ning e yu pamanupad king kasunduan tamu. At nung salikut kayu karing siudad yu, padala na ku mang salut karin at mapilit kayung sumuku karing kalaban yu.

Levitico 26:25 Iomraidhean Croise

2 Samuel 24:15

Inya peparala yang salut a makamate karing tau king mabilug a Israel a megumpisa king aldong ita angga ketang aldo a mitakda. Pitung pulung libu la ring taung mete.

1 Ari 8:33

Potang masambut la karing kalaban ding memalen mung Israelita uli na ning mikasala la keka, at kaybat sumisi la at datang keting Templo, at king mitmung kapakumbaban maus la keka,

1 Ari 8:37

Nung mika maragul a danup king bansa o pesti o mika lawi o kulapu o gisanan da lang durun o ulad ding tanaman; nung kubkuban da lang kalaban ing isanu man karing karelang siudad o nung datang karela ing salut o sakit,

2 Ari 17:3

Lisuban neng Aring Salmaneser ning Asiria i Aring Hosea, at simbut ne. Inya memayad yang buis i Aring Hosea balang banua kang Aring Salmaneser.

2 Cronica 24:24

Agyang ditak la mu ring sundalus ning Siria a linusub, pepasambut na la karela ning Ginu ding mas dakal a sundalus ning Juda. Makanyan nang bigsak ning Dios ing parusa karing memalen at kang Aring Joas uli na ning tinggian de ing Ginung Dios da ring makatua da.

Ding Dalit 94:1

O Ginu, Dios kang biasang mamarusa; ipakit mu na ing kekang mua!

Exodo 5:3

Pekibat da ri Moises at Aaron, Pepakit ya kekami ing Dios ding Hebreo. Paintulutan yu ke sanang maglakbe kilub ding atlung aldo papunta king disyerto ban makaibie kaming ain-sakripisyu king Ginung kekaming Dios. Nung ali, pamaten na ke ngan king kapamilatan na ning sakit a makapanawa o kaya king kapamilatan ning gera.

Isaias 1:20

Nung tanggi ka at salangsang kanaku, mate ka kapamilatan na ning gera. Aku, ing Ginu, ing migsalita.

Isaias 65:12

Maging kapalaran yu ing mate king makapangilabut a kamatayan uling e yu ku pekibatan inyang inaus da kayu at e mekiramdam inyang migsalita ku. Birian yung e yu ku pemintuan at ing e mayap ya ing depat yu.

Jeremias 19:7

Siran ku la keting lugal a iti ding sablang balak da ring memalen na ning Juda at Jerusalem. Paburen ku lang maniambut karela ding kalaban da at paten king labanan. Ibie ku la ding bangke ra karing ayup at karing malyap a animal ban kanan da.

Jeremias 24:10

Parala kung gera, danup, at salut karela angga king ala nang mitagan metung man king bansa a binie ku karela at karing makatua da.

Jeremias 50:28

Makatakas la ding bakwit ning Babilonia; mako la Babilonia at ibalita ra king Jerusalem nung makananung minablas ya ing Ginu karing tau Babilonia uli na ning depat da king Templo na.)

Jeremias 51:11

Ginising na la panamdam ning Ginu ding ari na ning Medes uling pagnasan na ing lasakan ne ing Babilonia. King anti kaniti ne ablasan uli na ning pangalasak na ning Templo na. Ngarang minutus ding mamuntukan king pamaglusub, Itais yu la ding paslu yu! Isadia yu la ding kalasag yu!

Jeremias 9:16

Ikalat ku la karing bansang e ra balu ni abalitan man ding makatua da, at mitubud kung dakal a sundalung pakasandata ban lumaban karela angga king magisan la.

Ding Tagulele 2:21

Mete lang kayanakan at makatua, at karing dalan makalugmuk la; ding kabaintaunan at kadalagnan mete la karing espada da ring kalaban. King keyalang lunus pete mo ngan lubus king aldo ning kekang mua.

Ezekiel 14:17

Malyaring padala kung gera king bansang ita at parala kung mapanyirang espada ban gisanan la ding tau at ding animal.

Ezekiel 20:37

Pamahalan da kayung masalese at gawan da kayung mapamintu king kanakung kasunduan.

Ezekiel 29:8

Inya ngeni, aku, ing Ginung Dios, sasabian ku kekayu king padala kung taung paka espada ban lumusub kekayu, at paten da la ring kekayung memalen ampon ding kekayung animal.

Ezekiel 33:2

Ngana, Anak ning tau, sabian mu karing tau ing mapalyari potang paratang kung gera king metung a bansa. Mamili la ding memalen na ning bansang ita metung karing kabalen da ban maging bante.

Ezekiel 5:17

Paratang kung maragul a danup at mangalyap a animal ban makamate karing anak mu at paratang ku munamang pesti, katampalasan, at gerang makamate keka. Aku, ing Ginu, ing migsalita.

Ezekiel 6:3

Sabian mu karing bunduk ning Israel king makiramdam la king amanu na ning Ginung Dios, king kanakung sasabian karing bunduk, karing bunduk-bundukan, karing pidadalanan na ning danum, at karing kapatagan. Paratang kung espada ban maglasak karing lugal nung nu la sasambang idolo ding tau.

Hosea 11:6

Datang ing gera karing karelang siudad at siran na la ding pasbul dalan da ring siudad. Mate la king gera ding dakal a tau, uling pilit dang tikian ing e mayap dang payu.

Levitico 26:6

Ibie ku king kekayung bansa ing kapayapan at matudtud kayung maniaman neng bengi a alang takut kenu man. Ilako ku la king bansa yu ding mabagsik a animal at e na mika gera king kekayung bansa.

Amos 4:10

Peparatang kung pesti kekayu antimo itang peparatang ku king Ehipto. Pete ku la ding kayanakan yung lalaki king labanan at kinua ku la ding kekong kabayu. Kitmuan ku la ding kekong arung king buluk da ring bangke libutad da ring kekong kampu. Makanyan man e kayu migbalik lub kanaku.

Habakuk 3:5

Salut ing parala na arapan na, at utusan ne ing kamatayan tuki king bie na.

Ding Bilang 14:12

Paten ku la king kapamilatan na ning salut a ipagpa ku karela. Ilako ku ing mana ra, oneng ika gawan da kang tata na ning metung a bansa at mas mayupaya kesa karela.

Ding Bilang 16:49

Labi lang apat a libu at pitung dalan ding mete king salut, subali pa karetang mete kayabe nang Kora.

Ding Bilang 31:3

Inya nganang Moises karing tau, Magsadia na kayu para king pamakilaban karing tau Midian ban matupad na ing pamanablas na ning Ginu karela.

Lucas 21:11

Mika mangasikan a ayun, danup, at salut karing miyayaliwang lugal at ating lunto makapangilabut a bage a mangaragul a tanda a manibat banua.

Deuteronomio 28:21

Parala yang salut a manatili kekayu angga king magisan kayu ngan king gabun a malapit yu nang bandian.

Deuteronomio 32:25

Lungkut la at mangulila uli ning gera, at karing tuknangan takut ing mag-ari karela; mate la ding lalaki at babaing kayanakan, anak a pasusuan, at pati ding atyu na king ketuan.

Deuteronomio 32:35

Kaku ing pamanablas; aku ing manyingil; datang ing panaun a mibagsak la, ing aldo ning kawakasan da malapit na.

Deuteronomio 32:41

ing kakung makintab a espada kaku yang itais, at ing hustisia kakung ipatupad. Parusan ku la ding kakung kalaban, at detang kaku mua kaku lang ablasan.

Ukum 15:11

Inya minta la deting atlung libung lalaki ning Juda king kueba king bunduk ning Etam at ngara kang Samson, E mu wari balu king makapailalam tamu king upaya da ring Filisteo? Nanu iting gewa mu kekami? Nganang mekibat, Nung nanu ing depat da kanaku ya naman ing depat ku karela.