Levitico 26:22 - Ing Mayap a Balita Biblia

²² Paburen ku lang gumala ding mabangis a animal at paglaklakan da la ring anak yu at ding sese yung animal. Ditak na la ding mitagan kekayu at mag-ari ing kalungkutan king bansa yu.

Levitico 26:22 Iomraidhean Croise

2 Ari 17:25

E la sinamba king Ginu inyang megumpisa na lang manuknangan karin. Inya mitubud yang leon ing Ginu at pete da la ring mapilan a tau.

2 Ari 2:24

Belikdan na la reting anak at king lagyu ning Ginu sinumpa na la. Inya linto la ring aduang babaing oso a ibat king kagubatan at piglapak da la ring apat apulu't adua karing anak a lalaki.

2 Cronica 15:5

Mapanganib kanita ing maglakad nu man karin uling magulu at alang kapayapan.

Isaias 24:6

Inya piniumpa na ne ning Dios ing yatu. Mamayaran la ding tau uli na ning depat dang pamikasala. Uli na niti, dumitak la ding taung mabie a mitagan.

Isaias 33:8

Ala nang daralan karing dalan uling tutu lang mapanganib. Malalabag la ding kasunduan at e la matutupad ding pitanguanan. Ala nang metung mang taung kagalang-galang.

Jeremias 15:3

Aku, ing Ginu, inari ku na king lub ku king apat lang makatakut a bage ding mangapalyari karela: mate la king gera; itaginis da la ring asu ding bangke ra; ding ayup ilang mangan karela, at ding malyap a animal ilang laklak king mitagan.

Jeremias 42:2

Ngara kanaku, Daptan mu sana ing ipakisabi ming mayap keka! Manalangin ka king Ginung kekatamung Dios para kekami. Manalangin ka para kekaming mitagan. Dakal kami king panaun a milabas, oneng ditak na kami mu ngeni antimo ing akakit mu.

Ding Tagulele 1:4

Ala metung mang daratang ngeni king Templo ban samba karing mituldung banal a aldo. Manamdaman la ngeni ding babaing karin magkanta, at ding pari saingsing ing karelang panalangin. Ala nang tau karing pasbul dalan ning siudad, at ing Zion mibili ya king kalungkutan.

Ezekiel 14:15

Mapalyaring padala kung mabagsik a animal ban paten da la ring tau, maging mapanganib yang bansa angga king ala nang malyaring makapaglakbe karin.

Ezekiel 14:21

Iti ya ing sasabian na ning Ginung Dios: Parala ku ing apat a lalung mabayat a parusa king Jerusalem: ing gera, ing danup, ding mabagsik a animal, at ing salut ban gisanan da lang paten ding tau at ding animal.

Ezekiel 33:28

Gawan keng alang kabaldugan ing bansa at miyangganan ing upayang pagmaragul da. Maging mapanganib la ding bunduk ning Israel at ala metung man a munta karin.

Ezekiel 5:17

Paratang kung maragul a danup at mangalyap a animal ban makamate karing anak mu at paratang ku munamang pesti, katampalasan, at gerang makamate keka. Aku, ing Ginu, ing migsalita.

Levitico 26:6

Ibie ku king kekayung bansa ing kapayapan at matudtud kayung maniaman neng bengi a alang takut kenu man. Ilako ku la king bansa yu ding mabagsik a animal at e na mika gera king kekayung bansa.

Mikeas 3:12

Uli yu masarul ya anting marangle ing Zion, maging metung yang buntun na ning kasiran ing Jerusalem, at maging metung yang kagubatan ing bunduk a katatalakaran na ning Templo.

Zacarias 7:14

Anti ing bagyu kinalat ku la ban manuknangan karing dayuan a bansang e ra bitasang balu. Mipaburen ya iting masanting a gabun, at metung man alang manuknangan.

Deuteronomio 32:24

magisan la king danup, mate la king mikakalukung lagnat, at karing makapangilabut a salut; karing malyap a animal kaku lang ipakan, at patuktuk karing kamandagan a ubingan.

Ukum 5:6

Kanitang panaun nang Samgar a anak nang Anat, kanitang panaun nang Jael, ding biaheru tinuknang lang lulub king bansa, at menaliwa lang dalan ding maglakbe.