Levitico 26:21 - Ing Mayap a Balita Biblia

²¹ Nung isundu yu pa ing pamaglaban yu kanaku at ing pamaglabag karing utus ku, dagdagan ku na namang pitu pang besis ing kasakitan a ipagpa ku kekayu.

Levitico 26:21 Iomraidhean Croise

Ding Dalit 79:12

Ginu, pitung besis mu lang papamayaran ding kasiping ming bansa, uli ning pamaglapastangan da keka.

Exodo 9:14

Oneng ngeni ing parusan ku aliwa mu ding opisyal mu at ding taung sasakupan mu; pati ika parusan ku ban kanita akilala mu king ala kung kalupa king mabilug a yatu.

Isaias 5:25

Milalablab ing mua na ning Ginu king balen na, at inatiat na ne ing gamat na ba neng parusan. Mangaugun la ding bunduk at malakuan la ding bangke da ring mete karing dalan a kalupa na ning basura. Makanyan man, e pa mu rin miyangganan ing mua na ning Ginu. Manatili ya pa mu rin makayatiat ing gamat na ban mamarusa.

Ezekiel 21:14

Ngeni, anak ning tau, magsalita kang ula. Ipalakpak mu la ding gamat mu at manabak yang ulit-ulit ing espada. Metung yang espadang makamate; espada yang makapangilabut at maglipul.

Levitico 26:18

Nung kaybat nang merapat niti kekayu, oneng e kayu pa mu rin bisang makiramdam kanaku, dagdagan kung pitung besis ing parusang ipagpa ku kekayu.

Levitico 26:23

Nung kalabas da reting parusang deti e kayu pa mu rin makiramdam kaku at magmasias kayu pa mu rin a lub laban kanaku,

Levitico 26:24

dagdagan ku na namang pitung besis ing kasakitan a ipagpa ku kekayu.

Levitico 26:27

Nung kaybat na niti e kayu pa mu rin tinuknang lalaban kanaku at e memintu,

Kapahayagan 15:1

Kanita ikit ke ing metung pang maragul at makapagmulalang tanda king banua; pitu lang anghel a magdalang pitung salut. Ila deti ring katataulian karing salut, uling kareti miyangganan ing mua na ning Dios.