Levitico 26:19 - Ing Mayap a Balita Biblia

¹⁹ Sagapan da kayu uli na ning kesiasan yung buntuk; e muran at maging masias anting bakal ing gabun yu.

Levitico 26:19 Iomraidhean Croise

1 Ari 17:1

Ating metung a propeta a tau Tisbe, Gilead. Elias ing lagyu na. Nganang sinabi kang Aring Ahab, King lagyu na ning Ginu, ing mabie Dios ning Israel a kakung susuyuan, sasabian ku keka: e muran o mambun man kilub ding adua o atlung banua anggang e ku sabian.

1 Ari 8:35

Potang e na ibaldug ning banua ing uran uli na ning mikasala la keka, at kaybat sumisi la at datang la keting Templo, at king mitmung kapakumbaban maus la keka,

Isaias 2:12

King aldong ita isaldak ne ning Ginung Mayupaya ing ninumang mapagmaragul, palalu, at masikanan.

Isaias 25:11

Igawang da la ring karelang gamat; balamu magkapilit lang kawe, oneng pakarinayan na la ning Dios at lumbug la ding gamat da; ala lang akarapat.

Isaias 26:5

Sildak na la detang palalu; lesak neng matibe rang siudad at digsa ding pader king alikabuk.

Isaias 28:1

Makalunus ya ing kayarian na ning Israel! Ing leguan na kukupas na anti ding koronang sampagang makaputung karing malasing nang manimuna. Sasalingalngal ing pabanglu karing buntuk dang mapagmatas, oneng pakapase la king kalasingan da.

Jeremias 13:9

Makanyan kung siran ing ketasan nang lub ning Juda at ing maragul nang ketasan lub ning Jerusalem.

Jeremias 3:3

Iti ya ing sangkan nung inya e minuran at e bitasang minuran agyang king panaun ning kauran. Pati itsura mu lupang babaing magtinda king katawan na; tutu na kang alang marine!

Ezekiel 24:21

king ibie ke kekayung Israelita iting mensahi: Ipagmaragul ye ing matibe Templo. Atna kayung kaburing lalawe at daralo kaniti, oneng gawan neng alang kabaldugan ning Ginu. At mate la ngan king gera ding kayanakan a miembru da ring pamilya yung melakuan Jerusalem.

Ezekiel 30:6

Sasabian na ning Ginu, Manibat king Migdol king norti angga king Aswan king mauli, mate la ding sablang magdipensa ning Ehipto king labanan. Mate la ding pagmaragul nang sundalus ning Ehipto. Aku, ing Ginung Dios, ing migsalita.

Ezekiel 33:28

Gawan keng alang kabaldugan ing bansa at miyangganan ing upayang pagmaragul da. Maging mapanganib la ding bunduk ning Israel at ala metung man a munta karin.

Ezekiel 7:24

Paratangan ku la keti ding lalung e mayap diling bansa at pepaburen ku lang kuanan da la ring kekong tuknangan. Milako la tiwala ding kekong pekamasikan a lalaki potang ding bansa paburen ku lang lapastanganan da la ring lugal a kekong pisasamban.

Daniel 4:37

At ngeni, aku, i Nebucadenesar, pupurian ke, parangalan ke, at paligayan ing Ari ning Banua. Ing heganaganang gagawan na ustu at makatuliran at agyu neng isaldak ing ninumang taung palalu.

Zepania 3:11

King panaun a ita, O balen ku, e na kailangan ing pikarine yu ing pamag-rebeldi yu kanaku. Ilako ke ing ninumang magmatas at magpalalu at kapilan man e na kayu pasibayung magrebelding laban kanaku king banal kung bunduk-bundukan.

Lucas 4:25

Pakiramdaman yu ku: katutuan king dakal lang babaing mebalu karin Israel king panaun nang Elias inyang e minuran kilub ding atlung banua at kapitna, at mika maragul a danup king mabilug a bansa.

Deuteronomio 11:17

Nung e kayu mingat, mimua ya kekayu ing Ginu. Isara na la ding pasbul ning banua at e ya pauran; langi la ding tanaman yu king marangle at agad kayung mate karin king matabang gabun a babie na kekayu.

Deuteronomio 28:23

E muran at maging anting bakal ing gabun.

1 Samuel 4:11

Abihag de ring Filisteo ing Kaban ning Dios; kayabe la karing mete ding adua nang anak Eli, i Ofni at i Fineas.

1 Samuel 4:3

Inyang mekayatras na la ding sundalus king karelang kampu, ngarang sinabi ding makatuang manimuna na ning Israel, Obat peintulutan na katamung mesambut ning Ginu karing Filisteo king aldong iti? Mayap pa kuanan ta ya ing Kaban ning Kasunduan ning Ginu king Silo ban akayabe ta ya king labanan, at iligtas na katamu king upaya ra ding kekatamung kalaban.