Levitico 26:16 - Ing Mayap a Balita Biblia

¹⁶ parusan da kayu. Pag-arian na kayu ning takut; datang kekayu ing pesti at lagnat a makabulag at managitis tunggal ditak ing bie yu. Manasik kayu, oneng e yu pakinabangan uling kanan da ring kalaban yu.

Levitico 26:16 Iomraidhean Croise

1 Ari 8:37

Nung mika maragul a danup king bansa o pesti o mika lawi o kulapu o gisanan da lang durun o ulad ding tanaman; nung kubkuban da lang kalaban ing isanu man karing karelang siudad o nung datang karela ing salut o sakit,

Job 18:11

Ing makatakut makapadurut; tutukian ne gulut na king balang takbang na.

Job 20:25

Potang bagutan de king katawan na, tutulu ya king daya ing kikinang nang punta, mikatmuan ya king takut mabilug nang pangatau.

Job 31:8

kanita paburen mung masira lang kakung tanaman, at king pupul ku ding aliwa ila ding mangan at makinabang.

Ding Dalit 109:6

Iyarap mu taung e mayap a kalupa na, bustan mung ing mandalum metung yang kalaban na;

Ding Dalit 73:19

Kabud-abud na miras ing kasiran karela; makapangilabut ing kawakasan da.

Ding Dalit 78:33

Inya pitlud nang anting pangisnawa ing bie ra, at bildug na karela ing biglang parusa.

Exodo 15:26

Ngana karela, Nung mamintu kayung lubus kanaku at daptan yu itang karapatdapat at tuparan ding kautusan ku, e ra kayu paburen misakitan king isanu pa man karing sakit a pepagpa ku karing tau Ehipto. Aku, ing Ginu, ing babie kapaldanan kekayu.

Ding Kasebian 3:33

Susumpa na la ning Ginu ding pibalebale da ring e mayap a tau, oneng bibendisyunan na la ding pibalebale da ring banal.

Isaias 10:4

Mate kayu king labanan o kaya maging bihag kayung iguyud da. Makanyan man, e mu rin tuknang ing mua na ning Ginu; manatili yang makatas a gamat ban mamarusa.

Isaias 62:8

Tapat nang pengaku ning Ginu, at kapamilatan ning upaya na iti tuparan na: Ing kekong trigu e na maging kabiayan da ring kekong kalaban, at e na la minum ding dayuan king kekong alak.

Isaias 7:2

Miras ing balita king ari na ning Juda king atyu na la ding sundalus na ning Siria king sakup ning Israel. Mitakutan ya ing ari at pati na ding taung sasakupan na. Ginalgal lang anting tanaman a tuturan na ning masikan a angin.

Jeremias 12:13

Tinanam lang trigu ding taung pinili ku, oneng dikut ing karelang pinupul; megobra lang anggang binit da, oneng ala lang apala. Uli ning kakung mabagsik a mua e memunga ing karelang tenam.

Jeremias 15:3

Aku, ing Ginu, inari ku na king lub ku king apat lang makatakut a bage ding mangapalyari karela: mate la king gera; itaginis da la ring asu ding bangke ra; ding ayup ilang mangan karela, at ding malyap a animal ilang laklak king mitagan.

Jeremias 15:8

Mas dakal la ding babaing mebalu king kekong bansa kesa king balas king pampang ning dagat. Pete ku la ding anak yung lalaki agyang kayanakan la pa, at pepalungkutan ding karelang ima. Bigla ku lang lisuban a kayabe ing takut at galgal.

Jeremias 20:4

Uling ing Ginu mismu sinabi na, Gawan da kang pangingilabutan king mismung sarili mu at karing kakaluguran mu, at akit mu la ngan mate karing espada da ring karelang kalaban. Ibili ku la ngan ding memalen na ning Juda king lalam nang upaya ning ari ning Babilonia; idala na lang bihag ding mapilan king bansa na at ipapate na la ding aliwa.

Jeremias 5:17

Laklakan da ing kekayung pupul at ing kekayung pagkabie; paten da la ring anak yung lalaki at babai. Gisanan da lang paten ding sese yung baka at tupa; siran da la ring kekayung tanaman a ubas at higera. Lasakan da la ring karelang sundalus ding siudad yung pakakuta a panaligan yu.

Ezekiel 24:23

E kayu lumual a alang takap a buntuk o alang sapin a bitis o manangis o kumiak man. Mayayat kayu uli da ring kekong kasalanan at saingsing king metung at metung.

Ezekiel 33:10

Migsalita ya kanaku ing Ginu. Ngana, Anak ning tau, ulitan mung sabian karing Israelita itang karelang sasabian: Kababayatnan kami uli da ring kasalanan mi at ding mali ming depat. Magigisan na ing bie mi. Makananu keng mie?

Amos 5:11

Gigipitan yu la ding kalulu at panakawanan yu la king karelang pupul. Inya e kayu makapanuknangan karing bale batu a kekong tatalakad o makainum alak ibat karing malagu yung mulahan ubas.

Mikeas 6:15

Salbag kayung bini, oneng e yu palutan. Paslan yu la ding olibo ban manikua kayung laru, oneng e yu akuang agamit iti. Gawa kayung alak, oneng e yu akuang ainum iti.

Hageo 1:6

Tinanam kayung dakal, oneng ditak mu ing pinupul yu. Atin kayung pamangan, oneng e makagyu ban kumabsi kayu. Atin kayung alak, oneng e makagyu para lasing kayu! Atin kayung imalan, oneng e makagyung panlaban king dimla. At e makagyu ing panakitan na ning taung manintunan para king pangabiayan na.

Zacarias 14:12

Parala yang makatakut a salut ing Ginu karing sablang bansang makigera king Jerusalem. Malaso ing laman da kabang mabie la pa; malaso la naman ding mata ra at dila.

Malakias 2:3

Parusan ku la ding maging anak yu at ikaskas karing lupa yu ing dinat da ring animal a sasakripisyu yu, at miyugse kayung kayabe ra.

Deuteronomio 28:51

Kanan da la ring anak da ring sese yung animal at ing pupul yu king gabun. Ala lang itagan a binutil trigu, katas ubas, at laru; ala la namang itagan karing sese yung tupa at baka. Inya dumanup kayu at mate.

Deuteronomio 32:25

Lungkut la at mangulila uli ning gera, at karing tuknangan takut ing mag-ari karela; mate la ding lalaki at babaing kayanakan, anak a pasusuan, at pati ding atyu na king ketuan.

Hebreo 10:31

Tutung makapangilabut ing maging kayatulan na ning Dios a mabie karing taung makanyan a dapat!

Ukum 6:11

Dinatang ya kanita ing anghel ning Ginu karin Ofra, at linukluk ya lalam ning metung a tanaman a ensina a bandi nang Joas, ing Abiezarita. Kanitang penandit a ita i Gideon a anak na makasalikut yang babalasbas trigu king pipamaslan ubas ban e ra akit ding Midianita.

1 Samuel 2:33

Paintulutan ku lang sumuyu ding mapilan mung lahi king kanakung altar angga na king mangalual la mata king katakawan da; oneng gisanan no ngan paten ning espada ding aliwa.