Levitico 26:15 - Ing Mayap a Balita Biblia

¹⁵ Nung payalan yu lang ulaga ding utus ku at tuntunan at labagan ing kasunduan kung gewa kekayu,

Levitico 26:15 Iomraidhean Croise

Genesis 17:14

Nung ating lalaking e mesirkunsisyun, itiwalag ya king katipunan yu uli na ning lebagan ne ing kasunduan.

2 Ari 17:15

E ra la pinsinan ding kautusan na, e la tinupad king kasunduan a gewa na karing karelang makatua, at migmaklak-maklakan la karing babalang binie na. Sinamba la karing alang kabaldugan a idolo, inya meging ala lang kabaldugan. Mekiapus la karing e mayap dang kaugalian ding bansang makapatulug karela agyang binawal na la ning Ginu.

2 Cronica 36:16

Oneng ding tau ininsultu da la ring tubud ning Dios, tinggian da la ring amanu na, at gewang pikaylian ding propeta na angga king mikalabkab ing mua na ning Ginu karing tau at ala nang makaligtas pa king mua na.

Ding Dalit 50:17

Uling kekong tatanggian ing itulid ke ing kekong dalan, at e tatanggapan kakung kautusan.

Exodo 19:5

Ngeni, nung makiramdam kayu kanaku at tupad king kanakung kasunduan, ikayu ing maging sarili kung balen. Kanaku ya ing mabilug a yatu, oneng ikayu mung bukud ding taung pinili ku,

Exodo 24:7

Kaybat na nita, kinua ne ing libru ning kasunduan, at binasa neng masikan karing tau. Ngarang mekibat ding tau, Tuparan mi ngan at daptan ing sablang inutus na ning Ginu.

Ding Kasebian 1:30

e kayu mekiramdam king kakung turu, at e yu pinsinan ing kakung iyaral.

Ding Kasebian 1:7

Ing takut king Ginu ya ing pamagumpisa na ning kabiasnan. Ala lang pansin ding mangmang king kabiasnan at king pamagaral.

Ding Kasebian 5:12

Sabian yu kanita, E ku kasi mekiramdam at kakung tinggian ing mayap a turu.

Isaias 24:5

Merinat ya ing yatu king kapamilatan na ning e ra pamanupad ding tau karing kautusan na ning Dios, at king kapamilatan na ning pamanlabag da king kasunduan a telaga nang alang kawakasan.

Jeremias 11:10

Migbalik la karing dapat dang pamikasala ding makatua da at tinangging tupad king parapat ku karela. Sinamba lang aliwang dios. Parehu lang linabag ing Israel at ing Juda king kasunduan a pikayari mi ding makatua da.

Jeremias 31:32

E ne kalupa nitang matuang kasunduan a gewa kung kayabe ding karelang makatua inyang linigtas ku la karing gamat ku at leko king Ehipto. E re tiparan ing kasunduan agyang meging anti kung asawang lalaki karela.

Jeremias 6:19

Yatu, makiramdam ka! Bilang parusa king sablang e mayap dang nasa, parala kung kasiran karing taung deti uling tinggian da ing turu ku at e da la pemintuan ding amanu ku.

Ezekiel 16:59

Ngana ning Ginung Dios, Daptan ku itang mangaintulid keka uling e mu la tiparan ding pangaku mu at lebagan me ing kasunduan.

Levitico 26:11

Manuknangan ku libutad yu at e ra kayu painggulutan kapilan man.

Levitico 26:43

Pero bayu datang ing panaun a ita, sukat ya pa mung milikas a tau ing gabun ban lubus yang makapagpaynawa at ban takman da ing parusang ipagpa ku karela uli na ning e ra pamamintu karing kautusan at tuntunan ku.

Levitico 26:9

Bendisyunan da kayu at dinan dakal a anak. Tuparan ke itang dake ku king kasunduan a pikayari tamu.

Malakias 2:2

Sukat yu kung galangan king nanumang kekayung daraptan. Nung e kayu makiramdam king sasabian ku kekayu, miparala kung sumpa kekayu. Mibili kung sumpa karing bage tatanggapan yu para king kekayung pangabiayan. Mibili na kung sumpa kareti uling e yu pinsinan ing yuyutus ku kekayu.

Ding Bilang 15:31

uling lepastangan ne ing Ginu. Ya ing bukud pepasari king sarili nang kamatayan.

Ding Dapat 13:41

Lawan yu, ikong mapaninsultu mangapamulala kayu at mate! Uling ing dapat a gagawan ku king panaun yu metung a bage a e yu buring paniwalan, agyamang kaniti atin nang minisplika kekayu!

Roma 8:7

Inya maging kalaban ne ning Dios ing taung mimisip ketang aduan na ning katutubu rang pangatau, uling iti e mamintu king kautusan na ning Dios, at king kamatutuanan e na agyung pamintuan.

Deuteronomio 31:16

Kanita ngana ning Ginu kang Moises, E magluat mate kang anti ding makatua mu. Potang mete na ka ding taung deti magumpisa lang magtaksil kanaku, samba la at sumuyu karing dios da ring lugal a pupuntalan da, gumulut la kanaku at labagan de ing kasunduan a gewa ku karela.

1 Tesalonica 4:8

Inya, ing ninumang e tanggap king turung iti, aliwa ing tau ing e na tatanggapan nune ing Dios a minie kekayu king Banal nang Espiritu.

Hebreo 8:9

E ne maging kalupa na nitang kasunduan a tinatag ku karing karelang makatua, kanitang tinaid ku lang leko ibat Ehipto. E la menatiling tapat king kasunduan a tinatag kung kayabe ra, inya pepaburen ku la, ngana ning Ginu.

1 Samuel 12:15

Kabud e kayu mekiramdam king Ginu at labag king kautusan na, parusan na kayu ning Ginu nung makananu na lang perusan ding makatua yu.