Levitico 26:12 - Ing Mayap a Balita Biblia

¹² Akayabe yu ku king pamibiebie yu. Aku ing maging Dios yu at ikayu ding maging memalen ku.

Levitico 26:12 Iomraidhean Croise

Genesis 17:7

Tuparan ke iting kasunduan ku keka at pati na karing maging lahi mu king daratang a panaun. Ala yang kawakasan iting kasunduan: maging Dios mu ku at maging Dios da ku munaman ding maging lahi a salisi keka.

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 3:8

Inyang damdaman deng lalakad king mulahan ing Ginung Dios king marimla nang dake ning patingapun, sinalikut ya ing lalaki at ing asawa na king Ginung Dios libutad ding tanaman ning mulahan.

Genesis 5:22

Mebie ya pang atlung dalan a banua i Enoc; mibiebie yang malapit a malapit king Dios kaybat nang mibait Matusalem, at mika aliwa ya pang anak a lalaki at babai.

Genesis 5:24

Mibiebie yang malapit a malapit king Dios, at mewala nia mung bigla uli na ning kinua ne ning Dios.

Genesis 6:9

Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios.

2 Samuel 7:7

Nu ku man muntang kayabe ding Israelita, e ku kitang king ninumang manimuna a pinili ku nung inya angga ngeni ala la pang telakad metung a templo para kanaku a megawa king dutung a sedro.

Ding Dalit 50:7

Memalen ku, makiramdam kayu, uling magsalita ku; Israel, laban keka munie kung patutu, uling aku ing Dios, ing kekang Dios.

Exodo 29:45

Manuknangan ku libutad ning balen Israel, at aku ing maging Dios da.

Exodo 29:46

Abalu ra kanita king aku ing Ginung karelang Dios a milual karela karin Ehipto ban akua kung makapanuknangan kayabe ra. Aku ing Ginung karelang Dios.

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Exodo 6:7

Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Isaias 12:2

Ing Dios ya ing talapagligtas ku; ya ing kakung panaligan at ala na kung katakutan. Dirinan na kung upaya at sikanan; ya ing kakung kaligtasan.

Isaias 41:10

E ka tatakut; kayabe mu ku! Aku ing kekang Dios; e ka sa mitatakutan. Gawan da kang masikan at kakung saupan; ingatan da ka at iligtas.

Jeremias 11:4

Iti ya ing kasunduan a pikayari mi ding makatua yu kanitang liwal ku la karin Ehipto, ing bansang mengaring milalablab a ornu para karela. Sinabi ku karela king pamintuan da ku at tuparan ing sablang inutus ku. Sinabi ku karela king nung pamintuan da ku ila ding maging taung pinili ku at aku naman ing maging Dios da.

Jeremias 30:22

Ila ding maging memalen ku, at aku ing maging Dios da. Aku, ing Ginu, ing migsalita.

Jeremias 31:33

Anti ya kaniti ing bayung kasunduan a gawan ku karing memalen ning Israel: Ibili ke ing kautusan ku king mabilug dang pangatau at isulat ke iti karing karelang pusu. Aku ing maging karelang Dios at ila naman ding maging memalen ku.

Jeremias 32:38

Ila kanita ding maging memalen ku, at aku ing maging Dios da.

Jeremias 7:23

Oneng inutus ku lang mamintu kanaku ban aku ing maging karelang Dios at ila ding maging kanakung memalen. At sinabi ku karela king mibiebie la agpang king inutus ku karela ban ing sabla-sabla maging masalese para karela.

Ezekiel 11:20

Tukian da la kanita ding Kautusan ku at tapat da lang pamintuan ding sablang tuntunan ku. Ila ding maging balen ku at aku ing maging Dios da.

Ezekiel 36:38

Mangatmu lang tau ding siudad a ngeni makapatag king gabun antimo ing Jerusalem a kanitang misan a panaun mitmu ya karing tupa a miyabie bilang ain-sakripisyu king kapiestan. Akilala ra kanita king aku ing Ginu.

Joel 2:27

Kanita, ika Israel, abalu mu king aku, ing Ginu a kekang Dios, at ala nang aliwa pang atyu libutad yu. Ing kakung balen e ne mainsultung pasibayu.

Zacarias 13:9

Paniubukan ke ing katlung dake a mitagan at gawan keng puru antimo ing pilak a madadalise king api. Paniubukan ku la antimo nung makananu yang masusubuk ing gintu. Kanita maus la kanaku at pakibatan ku la. Sabian ku karela king ila ding kanakung memalen, at ibalita da king aku ing karelang Dios.

Ding Bilang 5:3

Itabi ye, lalaki ya man o babai, ban e ya mirinatan ing kampu nung nu ku makatuknang.

Mateo 22:32

Aku ing Dios nang Abraham, ing Dios nang Isaac, at ing Dios nang Jacob. Buri nang sabian niti king e re Dios ding mete nune Dios de ring mabie.

2 Corinto 6:16

Makananu lang malyaring makapisanmetung ing Templo na ning Dios at ding idolo da ring paganu? Itamu ing templo na ning Dios a mabie! Ing Dios mismu ya ing sinabi, Manuknangan ku at antabayanan ku la; aku ing maging Dios da, at ila ding maging memalen ku.

Deuteronomio 23:14

Uling lilibut ya king kampu yu ing Ginung kekayung Dios ban ingatan na kayu at dinan tagumpe karing kalaban yu. Inya kailangan yang malinis ing lugal yu ban ala yang akit nanumang dinat at ban e na kayu painggulutan.

Deuteronomio 23:15

Nung tumakas ya ing metung a ipus at munta ya kekayu, e ye babalik king panginuan na.

Hebreo 11:16

Oneng ali, ing panintunan da metung yang bansa a lakuas mayap at iti ya ing bansa dang maligaya karin banua. Inya e na pikarine ning Dios ing ausan deng Dios da, uling atin yang sasadiang metung a siudad para karela.

Kapahayagan 2:1

Isulat mu iti king anghel na ning iglesia karin Efeso: Iti ya ing pasabi na nitang tatalan karing pitung batuin king wanan nang gamat at lalakad libutad da ring pitung gintung tumpakan-sulu.

Kapahayagan 21:7

Iti ya ing tanggapan na ning magtagumpe: Aku ing maging Dios na at ya ing maging anak ku.