Levitico 26:11 - Ing Mayap a Balita Biblia

¹¹ Manuknangan ku libutad yu at e ra kayu painggulutan kapilan man.

Levitico 26:11 Iomraidhean Croise

2 Samuel 7:7

Nu ku man muntang kayabe ding Israelita, e ku kitang king ninumang manimuna a pinili ku nung inya angga ngeni ala la pang telakad metung a templo para kanaku a megawa king dutung a sedro.

1 Ari 6:13

Manuknangan ku libutad da ring Israelita king kapamilatan na niting Templo at e ku la paburen kapilan man.

1 Ari 8:13

Pepagawa kung maragul at malagung Templo para keka a maging kekang tuknangan king kapilan pa man.

1 Ari 8:27

Tune kayang malyari kang manuknangan, O Dios, keti king yato? E ka mipagyu agyang king kabilugan a banua; lalu kang e mipagyu keting Templong gewa ku!

Ding Dalit 106:40

Meragul ing mua na karela; mesumami ya karing taung pinili na.

Ding Dalit 76:2

King Jerusalem karin ne telakad ing tolda na, at king Zion karin ya ing tuknangan na.

Ding Dalit 78:59

Ikit ning Dios iti, at ing mua na mikalatang; ing Israel lubus neng likuan.

Exodo 25:8

Sukat da kung panalakad metung a Toldang pipanalanginan ban maging tuknangan ku libutad da.

Exodo 29:45

Manuknangan ku libutad ning balen Israel, at aku ing maging Dios da.

Exodo 29:46

Abalu ra kanita king aku ing Ginung karelang Dios a milual karela karin Ehipto ban akua kung makapanuknangan kayabe ra. Aku ing Ginung karelang Dios.

Jeremias 14:21

Ganakan mu la sa ding pangaku mu; e mu ke sa lalakuan, e me sa bibili king kamarinayan ing Jerusalem, ing karinan ning marangal mung tronu. E me sa sisiran ing kasunduan a gewa mung kayabe mi.

Ding Tagulele 2:7

Pepaburen ne ning Ginu ing altar na, at gilutan ne ing Templo nang banal. Peintulutan na lang kalaban pader na karela lang lasakan. Kinulisak la uli ning pamagtagumpe ra, king kakarinan a kanitang misan king mitmung tula karin ta ya sasamban.

Joel 2:27

Kanita, ika Israel, abalu mu king aku, ing Ginu a kekang Dios, at ala nang aliwa pang atyu libutad yu. Ing kakung balen e ne mainsultung pasibayu.

Levitico 20:23

E kayu makiapus karing ugali da ring taung manuknangan karin. Tatabi ku la deting taung deti uli na ning dapat dang makasumami.

Levitico 26:15

Nung payalan yu lang ulaga ding utus ku at tuntunan at labagan ing kasunduan kung gewa kekayu,

Levitico 26:43

Pero bayu datang ing panaun a ita, sukat ya pa mung milikas a tau ing gabun ban lubus yang makapagpaynawa at ban takman da ing parusang ipagpa ku karela uli na ning e ra pamamintu karing kautusan at tuntunan ku.

Levitico 26:44

Makanyan man, e ku la lubus painggulutan o gisanan a lahi kabang atyu la king bansa da ring kalaban ban e ya miwakasan ing kasunduan a pikayari mi ding pipumpunan da. Aku ing Ginung karelang Dios.

Zacarias 11:8

Milako ku kapibabatan karing atlung pastul a masama kanaku. At kilub na mu ning pabulan tinabi ku la.

Efeso 2:22

Uli na mu rin ning kekayung pangayabe kang Cristo, ikayu man at ding aliwa, maging metung kayung tuknangan ning Dios king kapamilatan na ning Espiritu.

Deuteronomio 32:19

Iti ikit ning Ginu at mimua ya; likuan na la ding Israelitang tinuring nang anak na.

Josue 22:19

Ngeni, nung e ya karapatdapat ing gabun yu king pamanyamba king Ginu, lumipat kayu king gabun ning Ginu nung nukarin ya ing Tolda na. Mamili kayung lugal karing kekami. Oneng e kayu mag-rebeldi laban king Ginu o kaya gawan yu kaming kalaban na kapamilatan na ning pamanalakad yung altar a karagdagan pa king altar ning Ginung kekatamung Dios.

Josue 22:31

Inya ngana karelang Fineas a anak nang Eleazar a pari, Ngeni balu mi na king ing Ginu atyu libutad tamu. E kayu mig-rebeldi laban king Ginu, nung inya linigtas ye ing memalen na ning Israel king parusa ning Ginu.

Kapahayagan 21:3

Kabud-abud dimdam ke ing masikan a siwalang ibat king tronu. Ngana, Ngeni, ing tuknangan na ning Dios atyu libutad da ring tau! Manuknangan yang kayabe da ring tau at maging balen na la. Akayabe re ing Dios at ya ing maging Dios da.

Kapahayagan 7:15

Iti ya ing sangkan nung inya atyu la king arap ning tronu ning Dios, at susuyu la king Dios aldo't bengi king templo na. At ing makalukluk king tronu ya ing matnube karela.