Levitico 26:10 - Ing Mayap a Balita Biblia

¹⁰ Dakal at maglabis-labis ing pupul yu. Inya mapilitan kayung ilele ing laun a pupul ban dinan yung lugal ing bayu yung pupul.

Levitico 26:10 Iomraidhean Croise

2 Ari 19:29

Kaybat nganang Isaias kang Aring Hezekia, Oyni ing tanda ning bage mapalyari kaniting banuang salukuyan at king tutuking banua. Ing bukud mung kanan ya ing kabud na tinubu, oneng king tutuking banua makatanam kang trigu at pupulan mu at makatanam ka namang ubas at makapangan ka karing bunga ra.

Joel 2:24

Ding lugal a pidadaran king binutil mikatmuan la ngan; ding makatulid a lulanan karing pipamaslan king alak at king larung olibo maglapo-lapo la ngan.

Levitico 25:22

Potang manasik kayu king kawalung banua, kakanan yu pa ing pinupul yu inyang kanam a banua, at atin kayung sapat a kanan angga na itang pupulan yu ing tenam yu king kasiam a banua.

Lucas 12:17

Nanung daptan ku? nganang mengutang king sarili na. Ala na kung pilulanan king kanakung pupul.

Josue 5:11

Kabukasan na nita ya ing kapupurmeruan dang mekapangan pamangan a pinupul da king Canaan, tinape alang lebadura at sing-le trigu.