Levitico 24:9 - Ing Mayap a Balita Biblia

⁹ Mangaintulid la deting tinape, kaybat dang miyain, kang Aaron at karing anak na. Kanan da la reti king lugal a sagradu uling iti metung yang sagradung dake ning ain a mitalaga kanaku, ing Ginu, para karing pari. Tuntunan ya iti a sukat ipatupad king sablang panaun.

Levitico 24:9 Iomraidhean Croise

Exodo 27:21

I Aaron at ding anak nang lalaki ilang mibili king sulu kilub na ning kanakung Tolda nung nu ku atyu ketang lual na ning tabing a atyu king arapan na ning Kaban ning Kasunduan. Sukat lang milalablab ding sulu neng bengi angga itang kabukasan karin king arapan ku. Iti kautusan yang sukat dang tuparan king kapilan pa man ding Israelita ampon ding lahi ra.

Levitico 10:12

Ngana namang migsalitang Moises kang Aaron at karing adua nang anak a mitagan, i Eleazar at i Itamar, Kuanan yu itang arinang mitagan king ain-a-pamangan a miyain king Ginu. Gawan yu iting tinape alang lebadura at kanan yu king lele na ning altar uling iti binang banal.

Levitico 10:17

Obat e ye pengan ing ain-a-kapamayaran-king-kasalanan ketang banal a lugal? Banal ya ita at binie ne ning Ginu kekayu para makalako king kasalanan na ning balen Israel.

Levitico 21:22

Malyari yang mangan king kakanan a miyain kanaku, maging king sagradu o mas sagradung ain-a-pamangan.

Levitico 24:10

Misan, ating taung anak na ning lalaking tau Ehipto at ning babaing taga Israel a milagyuan Selomit a anak nang Debri king tribu nang Dan. Linub ya iting lalaki king kampu da ring Israelita at mekipate ya king metung a tune Israelita.

Levitico 3:17

Alang Israelita a malyaring mangan taba o daya; iti metung yang tuntunan a sukat matupad king kapilan pa man at nukarin la man manuknangan.

Levitico 6:11

Kaybat na nita, manalili yang piblas ing pari, at idala na ing abu king lual na ning kampu; ketang lugal a malinis a mitalaga para kaniti.

Levitico 6:16

Mangaintulid karing pari ing mitagan king ain.

Levitico 6:9

Sabian mu la kang Aaron at karing anak nang lalaki deting tuntunan tungkul karing ain-a-durulukan. Sukat yang manatiling kabukas ing metung a ain-a-durulukan king altar a ating aping e matatda.

Levitico 8:3

Tipunan mu la karin ding memalen ning Israel.

Levitico 8:31

Kaybat na nita, nganang Moises kang Aaron at karing anak nang lalaki, Idala yu ing karni king tulid nang pasbul ning Toldang tuknangan ning Ginu. Ilutu yu at kanan karin pati na ing tinape a makalulan king basket da ring ain-para-king-ordinasyun, agpang king inutus na ning Ginu.

Malakias 1:12

Oneng ikayu insultuan yu ku potang sasabian yung ing altar ku ala yang kwenta, at potang ing pamangan a iyain yu kanaku ya itang e yu buri.

Mateo 12:4

Linub ya at ding kayabe na king bale na ning Dios at mengan la king tinape a miyain king Dios. Labag king Kautusan ing mangan king tinapeng ita, uling bukud mung ding pari ilang atin karapatan mangan kaniti.

Lucas 6:4

Linub ya king bale na ning Dios, kinua na la ding tinape a miyain king Dios, pengan na la at saka na la dininan ding kayabe na. Labag king kekatamung Kautusan ing mangan ya ing ninuman karing tinape miyain king Dios, subali mu ding pari.

1 Samuel 21:6

Uli na niti, dininan ne ning pari king sagradung tinape; uling alang tinape karin nune mu itang tinape a miyain king altar na ning Ginu. Lalako re iting tinape king altar ning Ginu at alilan deng tinape kakid-akid potang miras ne ing aldo a sukat deng alilan.