Levitico 24:8 - Ing Mayap a Balita Biblia

⁸ Ding anti kareting tinape ilang iyain kanaku balang Aldo ning Sabbath. Daptan yu iti bilang katungkulan ning Israel king sablang panaun.

Levitico 24:8 Iomraidhean Croise

1 Cronica 23:29

Ila mu rin ding ating pakibatan karing tinape iyain, king arinang isamut karing ain a iyain, karing tinape maimpis a alang lebadura. Ila munaman ding maglutu king tinape alang lebadura, king arinang singkapan larung olibo, at mamahala king pamanimbang at pamanyukad karing ain para king Bale ning Dios.

1 Cronica 9:32

Ating mapilan karing lahi nang Kora a ating pakibatan king pangasadia da ring tinape para king Bale ning Dios neng Aldo ning Sabbath.

2 Cronica 13:11

Babie lang insenso neng abak at neng bengi at animal a durulukan para king Ginu. Babie la namang ain a tinape ketang misadiang malinis a lamesa. At neng bengi sisindian da la ring sulung atyu king gintung pitutumpakan-sulu. Pamintuan mi ing sablang inutus na ning Ginu, oneng ikayu gilutan ye.

2 Cronica 2:4

Pagawa kung templo para king lagyu na ning Ginu kung Dios. Italaga ke para king Ginu ban pidulukan king mabanglung insenso king arapan na, at dinan tinape aldo-aldo, at ain-a-durulukan neng abak at neng bengi, at neng Aldo ning Sabbath, neng Piesta ning Bayung Bulan, at karing piestang mitakda para king Ginung kekaming Dios. Deti tuntunan lang sukat dang tukian ding Israelita king kapilan pa man.

Nehemias 10:33

Ibie mi la naman deting tuki-tuking bage para king pamanyamba king Bale ning Dios: ing sagradung tinape, ing aldo-aldo binutil a ain, ing animal para ain-a-durulukan, ding sagradung ain neng Aldo ning Sabbath, ding Piesta ning Bayung Bulan at aliwa pang piesta, ding aliwa pang sagradung ain, ding ain-a-kapamayaran-king-kasalanan na ning Israel, at nanumang bage a kailangan king Bale ning Dios.

Exodo 25:30

Ibili ye iting lamesa king arap ning Kaban ning Kasunduan, at king babo lamesa sukat mika tinape a miyain para kanaku king kapilan pa man.

Ding Bilang 4:7

Takpan de king telang kule asul ing lamesang pibibilianan king tinape a yayain king Ginu at karin da la itumpak ding pinggan, ding silyo, ding pidatukanan karing ain, at ding pitsil a pilulanan alak. Sukat parating ating tinape king lamesa.

1 Samuel 21:7

Mipaintagun ing atyu ya kanita karin i Doeg a tau Edom, ing metung karing tauan nang Saul at pekapun da ring pastul na. Atyu ya karin ban samba king Ginu.