Levitico 24:7 - Ing Mayap a Balita Biblia

⁷ Mibili kayung insenso a alang samut king balang hilera ban iyabe king tinape at silaban bilang e pamangalinguan kanaku, ing Ginu.

Levitico 24:7 Iomraidhean Croise

Genesis 9:16

Neng lunto ya ing pinanari karing biga at akit ke, kanita ke ganakan ing alang anggang kasunduan a gewa ku ampon ding sablang mabie lelangan keti king yatu.

Exodo 12:14

Sukat yeng pagselebran ing aldong iti bilang piestang parangal king Ginu ban e yu kalinguan ing depatan ku, ing Ginu. Pagselebran ye king kapilan pa man.

Exodo 13:9

Maging kapigaganakan ya iting selebrasyun; mangari ya king metung a bage tinali yu king gamat yu o kaya king kanuan yu, at ipaganaka na kekayu king alang patugut yeng kikilalanan at pagaralan ing Batas ning Ginu, uling liwal na kayu ning Ginu ibat king Ehipto king kapamilatan na ning maragul nang upaya.

Exodo 17:14

Ngana kanita ning Ginu kang Moises, Isulat mu ing tagumpeng yan ban e makalinguan, at sabian mu kang Josue king lubus ku lang gisanan a lahi ding Amalekita.

Exodo 28:12

Ikabit mu la deti karing tiranti na ning efod bilang e pamangalinguan karing labing aduang tribu na ning Israel. King anti kaniting paralan, darala na lang parating Aaron karing pago na ding lagyu ra ban kanita naman, aku, ing Ginu, e ku la kalinguan kapilan man bilang kanakung balen.

Isaias 43:23

E mu la dela kaku ding tupang ain-a-durulukan; aliwa aku ing kekang peparangalan karing kekang ain-sakripisyu. E ra ka pebayatnan king pamaniawad ain ni lingasngas king pamaniawad insenso.

Levitico 2:1

Neng miyayain yang ain-a-binutil ing ninuman para kanaku, ing Ginu, sukat na pa mung gilingan iti ban magawang arina. Tugtugan nang larung olibo at dinan nang insenso,

Levitico 2:2

at kaybat idala na karing pari a anak nang Aaron. Ing paring mangasiwa ya ing kumang kasakmal king arina at ing laru ampon ing sablang insenso a atyu babo na ning arina ban dulukan na king altar bilang tanda ning e na pamangalinguan at bilang mabanglung ain kanaku, ing Ginu.

Levitico 2:9

Kuma yang kapirasu ing pari at dulukan ne iti king altar bilang tanda ning e pamangalinguan. Babie tula kanaku, ing Ginu, ing bau na niting ain-a-pamangan.

Juan 6:35

Nganang Jesus karela, Aku ing tinape ning bie. E ya dumanup kapilan man ing lumapit kanaku at e ya kumaung danum kapilan man ing maniwala kanaku.

Juan 6:51

Aku ing mabie tinape a tinipang ibat banua. Ing ninumang mangan kaniti mie ya kapilan man. At ing laman ku ya ing tinape a ibie ku ban mie ya ing yatu.

Ding Dapat 10:31

at ngana kanaku, Cornelio! Pekiramdaman na ning Dios ing kekang panalangin at e na kelinguan ing sablang depat mung mayap.

Ding Dapat 10:4

Minatna yang mitmung takut king anghel at ngana, Nanu pu ita, ginu? Mekibat ya ing anghel, Tinggap ning Dios ing kekang panalangin ampon dapat a mayap at e na ka kelinguan.

Efeso 1:6

Purian ta ya uli na ning maragul nang grasyang regalu na kekatamu king kapamilatan na ning pakamalan nang Anak!

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.