Levitico 24:6 - Ing Mayap a Balita Biblia

⁶ Ayusan yu la deting tinape king aduang hilera; tianam balang hilera, at ibili yu la king lamesang megawa king gintung puru.

Levitico 24:6 Iomraidhean Croise

1 Ari 7:48

Pepagawa na la ngang Solomon deting kasangkapan a gintu king Templo na ning Ginu: ing altar, ing lamesang pibibilianan king tinape a iyain,

2 Cronica 13:11

Babie lang insenso neng abak at neng bengi at animal a durulukan para king Ginu. Babie la namang ain a tinape ketang misadiang malinis a lamesa. At neng bengi sisindian da la ring sulung atyu king gintung pitutumpakan-sulu. Pamintuan mi ing sablang inutus na ning Ginu, oneng ikayu gilutan ye.

2 Cronica 4:19

Pepagawa na la namang Solomon ding kasangkapan king kilub ning Templo ning Dios, ing gintung altar, ing lamesang pidadaunan king tinape,

Nehemias 10:33

Ibie mi la naman deting tuki-tuking bage para king pamanyamba king Bale ning Dios: ing sagradung tinape, ing aldo-aldo binutil a ain, ing animal para ain-a-durulukan, ding sagradung ain neng Aldo ning Sabbath, ding Piesta ning Bayung Bulan at aliwa pang piesta, ding aliwa pang sagradung ain, ding ain-a-kapamayaran-king-kasalanan na ning Israel, at nanumang bage a kailangan king Bale ning Dios.

Nehemias 10:34

Ding pari, ding Levita, ding memalenikaming sabla, mibagutan kami balang banua ban abalu mi nung ninu ding pamilyang magdalang dutung a gamitan para karing ain-a-durulukan king altar ning Ginung kekaming Dios, agpang king aduan na ning Kautusan.

Exodo 25:30

Ibili ye iting lamesa king arap ning Kaban ning Kasunduan, at king babo lamesa sukat mika tinape a miyain para kanaku king kapilan pa man.

Exodo 39:36

ing lamesa at ding sablang kasangkapan na, at ing tinape a miyain king Dios;

Ezekiel 41:22

altar a megawa king dutung. Lima yang talampakan king katas, at apat yang talampakan king lualas. Dutung la ngan ding bitis na niti, at antimu rin ing talpakan na at ding dingding na. Ngana niting lalaki kanaku, Iti ya ing lamesang atyu arapan na ning Ginu.

1 Corinto 14:40

Ing sablang bage kailangan marapat ustu at king kaayusan.

Hebreo 9:2

Telakad de ing metung a tolda a ating aduang dake. Ing mumunang darasnan ya itang ausan dang Banal a Lugal. Kilub na niti atyu ing lampara, ing lamesa, at ding tinape a yayain da king Dios.