Levitico 24:4 - Ing Mayap a Balita Biblia

⁴ I Aaron ya ing lumingap karing sulu a makabili karing tumpakan-sulung megawa king gintung puru ban manatili lang makaslag arapan ku, ing Ginu.

Levitico 24:4 Iomraidhean Croise

1 Ari 7:49

ding tumpakan-sulu king arap ning Kabanal-banalan a Lugal; makabili la ding lima kareti king dane albugan at ding lima king dane norti, ding sampaga, ding sulu, sipit,

1 Cronica 28:15

karing sulu at karing pitutumpakan-sulu,

2 Cronica 29:7

Sera da la naman ding pasbul ning Templo. E ra la sinindian ding sulu at e la dinuluk insenso ni miyain ain-a-durulukan king Templo ning Dios ning Israel.

Exodo 31:8

ing lamesa at ding gamit na, ing tumpakan-sulung megawa king gintung puru, at ding sabla nang kasangkapan; ing altar a pidulukan insenso;

Exodo 39:37

ing pitumpakan-sulu a gewa king gintung puru, ding sulu na, ing sabla nang kasangkapan, at ing laru para karing sulu;

Jeremias 52:19

Kinua na ngan ning kapitan da ing sablang bage megawa king gintu at pilak; ding malating silyo, ding kawaling gagamitan para king pamagdalang mibabayang karbun, ding silyo a gagamitan king pamanialud dayang ibat karing ain-sakripisyu, ding lulanan abu, ding pibibilianan sulu, ding silyong gagamitan para king insenso, at ding silyong gagamitan king pamitugtug karing ain-a-alak.

Levitico 24:3

king lual na ning kortina a atyu king arapan na ning Kaban ning Kasunduan kilub ning Tolda. Sindian na lang Aaron deting sulu neng daratang na ing bengi, at e na la paburen matatda angga itang kabukasan abak. Sukat yang tuparan iting tuntunan king kapilan pa man.

Ding Bilang 3:31

Ila ring ating katungkulan king Kaban ning Kasunduan, ing lamesa, ing tumpakan-sulu, ding altar, ding kasangkapan a gagamitan da ring pari king Banal a Lugal, at king tabing palub king Kabanal-banalan a Lugal. Ila naman ding ating katungkulan king pangaingat da reting mebanggit king kasuyuan.

Ding Bilang 4:9

Takpan da la king imalan a kule asul ding tumpakan-sulu, ding sulu, ding sipit, ding bandehadu, at ding lulanan laru.

Ding Bilang 8:2

Sabian mu kang Aaron king neng sisindian na la ring pitung sulu, ayusan na la reti king pitutumpakan-sulu ban ing sala ra tutud king arapan.

Hebreo 9:2

Telakad de ing metung a tolda a ating aduang dake. Ing mumunang darasnan ya itang ausan dang Banal a Lugal. Kilub na niti atyu ing lampara, ing lamesa, at ding tinape a yayain da king Dios.

Kapahayagan 1:20

Iti ya ing lihim dang kabaldugan ding pitung batuin a tatalnan ku king gamat kung wanan at ding pitung tumpakan-sulu: ding pitung batuin ila ding anghel da ring pitung iglesia, at ding pitung tumpakan-sulu ila kabud ding pitung iglesia.

Kapahayagan 11:4

Deting aduang testigu ila ding aduang tanaman a olibo at aduang pitutumpakan-sulu at atyu arap ning Ginu ning yatu.

Kapahayagan 2:5

E mu kakalinguan ing sadia mung kabilian. Sumisi ka at gumulut king e mayap mung dapat. Balikan mu ing sadia mung dapat a mayap. Nung e ka sumisi, datang ku at ilako ke ing tumpakan mung sulu.