Levitico 24:3 - Ing Mayap a Balita Biblia

³ king lual na ning kortina a atyu king arapan na ning Kaban ning Kasunduan kilub ning Tolda. Sindian na lang Aaron deting sulu neng daratang na ing bengi, at e na la paburen matatda angga itang kabukasan abak. Sukat yang tuparan iting tuntunan king kapilan pa man.

Levitico 24:3 Iomraidhean Croise

Exodo 27:21

I Aaron at ding anak nang lalaki ilang mibili king sulu kilub na ning kanakung Tolda nung nu ku atyu ketang lual na ning tabing a atyu king arapan na ning Kaban ning Kasunduan. Sukat lang milalablab ding sulu neng bengi angga itang kabukasan karin king arapan ku. Iti kautusan yang sukat dang tuparan king kapilan pa man ding Israelita ampon ding lahi ra.

Levitico 24:2

Iyutus mu karing memalen na ning Israel king magdala lang larung olibo a alang samut para karing sulu ban manatili lang makaslag

Levitico 24:4

I Aaron ya ing lumingap karing sulu a makabili karing tumpakan-sulung megawa king gintung puru ban manatili lang makaslag arapan ku, ing Ginu.

Levitico 3:17

Alang Israelita a malyaring mangan taba o daya; iti metung yang tuntunan a sukat matupad king kapilan pa man at nukarin la man manuknangan.

Ding Bilang 18:5

Bukud mung ika at ding anak mu ing mamahala king Banal a Lugal at king altar ban e na ku mimua karing memalen na ning Israel.

1 Samuel 3:3

E ya pa mitda kanita ing sulu king bale ning Ginu, at matudtud ya naman i Samuel king bale ning Ginu ketang lugal nung nu ya atyu ing Kaban ning Dios.