Levitico 24:2 - Ing Mayap a Balita Biblia

² Iyutus mu karing memalen na ning Israel king magdala lang larung olibo a alang samut para karing sulu ban manatili lang makaslag

Levitico 24:2 Iomraidhean Croise

2 Cronica 13:11

Babie lang insenso neng abak at neng bengi at animal a durulukan para king Ginu. Babie la namang ain a tinape ketang misadiang malinis a lamesa. At neng bengi sisindian da la ring sulung atyu king gintung pitutumpakan-sulu. Pamintuan mi ing sablang inutus na ning Ginu, oneng ikayu gilutan ye.

Ding Dalit 119:105

Anti yang sulu ing amanu mu a makiabe king paglakad ku, at sala yang saslag king kakung daralanan.

Ding Dalit 119:130

Babie sala karing tau ing pangapalino ding kekang amanu, at babie kabiasnan karing alang balu.

Exodo 39:37

ing pitumpakan-sulu a gewa king gintung puru, ding sulu na, ing sabla nang kasangkapan, at ing laru para karing sulu;

Exodo 40:24

Linub nia naman ing pitutumpakan-sulu king dane mauli, tulid ning lamesa.

Ding Kasebian 6:23

Ing karelang panabilin at turu mengaring sulung maslag; ing karelang beluan ya ing mituru keka nung makananu kang mibiebie.

Isaias 11:2

King uli ning espiritu ning Ginu tanggap yang kabiasnan, beluan, at gelingan para king pamanimuna king balen na. Balu na ing kaburian ning Ginu, at galangan ne;

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Levitico 24:1

Nganang migsalita ning Ginu kang Moises,

Levitico 24:3

king lual na ning kortina a atyu king arapan na ning Kaban ning Kasunduan kilub ning Tolda. Sindian na lang Aaron deting sulu neng daratang na ing bengi, at e na la paburen matatda angga itang kabukasan abak. Sukat yang tuparan iting tuntunan king kapilan pa man.

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Mateo 5:16

Makanyan ya namang sukat sunlag king arapan da ring tau ing sulu yu ban akit da ing dapat yung mayap, at paligayan de ing Ibpa yung atyu banua.

Lucas 1:79

at ibat banua sunlag ya karing atyu king karalumduman, at karing atyu king lilung ning kamatayan ban ituntun na katamu king dalan ning kapayapan.

Lucas 12:35

Parati kayu sanang makasadia king nanumang malyari, makapiblas at makasindi sulu.

Juan 1:4

Atyu keya ing bie at iting bie ya ing migdalang sala karing tau.

Juan 1:9

Iti ya ing tune sala a daratang king yatu ban munie sala karing sablang tau.

Juan 5:35

Mengari yang sulung milalablab i Juan at maslag ya; at birian yung matula kayung sinaguli king aslag na.

Juan 8:12

Pasibayu yang migsalita i Jesus karing Pariseo. Ngana, Aku ing sulu na ning yatu. E ya lumakad king dalumdum ing tutuki kanaku, nune mika sulu yang babie bie.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

2 Corinto 4:6

Uling ing Dios a sinabing Busal ning karalumduman, sunlag ya ing sulu, ya mu rin ing Dios a babie aslag king kekatamung pusu ban makilala ing ligaya na ning Dios a mihayag king lupa nang Cristo.