Levitico 24:16 - Ing Mayap a Balita Biblia

¹⁶ Paten ya ing magsalitang e mayap king lagyu ku, ing Ginu, Israelita ya man o ali ya. Basibasan deng batu ring sabla angga king mate ya.

Levitico 24:16 Iomraidhean Croise

2 Samuel 6:2

Penimunan na la king pamunta ra king Baala ning Juda ban kuanan ya ing Kaban ning Dios a magdala king lagyu ning Ginung Mayupaya; atyu babo ding kerubin ing luklukan na.

Ding Dalit 139:20

Ding taung deti e mayap ing sasabian da tungkul keka; magsalita lang e mayap a bage laban king lagyu mu.

Ding Dalit 74:10

Angga kapilan, O Dios, ing pikayli-kaylian da ka ding kekeng kalaban? Paburen mo waring insultuan da ka king kapilan pa man?

Ding Dalit 74:18

Ganakan mu, Ginu, kaylian da ka ding kekang kalaban; ala lang Dios a katawan at ikang karelang pikakasaman.

Exodo 20:7

E ye gagamitan ing lagyu ku king e mayap a kapagnasan, uling aku, ing Ginung kekayung Dios, parusan ke ing ninumang gagamit e ustu king lagyu ku.

Exodo 22:28

E kayu magsalitang e mayap laban king Dios o panagkasan ing manimuna na ning balen yu.

Levitico 20:2

Sabian mu karing memalen na ning Israel king ing ninuman karela o ing ninumang dayuan a makipamalen karela a miyain karing anak na ban magamit king pamanyamba kang Molek a kikilalanan dang dios paten ya king kapamilatan na ning basibas batu.

Mateo 12:31

Inya sasabian ku kekayu: malyari lang mipatawaran ding tau king isanu mang kasalanan at king isanu mang e mayap a sasabian da; oneng e ya mipatawaran ing ninumang magsalitang kalapastanganan king Banal a Espiritu.

Mateo 26:66

Nanung pamalak yu? Mekibat la, Sukat yang mate!

Marcos 14:64

Ikayu mismu dimdam yu ing kalapastanganan na king Dios. Nanu ing desisyun yu? At inatulan de ngang mate.

Juan 19:7

Ngarang mekibat ding Judio, Atin keng kautusan at agpang king kautusan a iti kailangan yang mate uling pakilala na king Anak ne ning Dios.

Ding Dapat 26:11

Maralas peparusan ku la karing sablang sinagoga at pinilit ku ing painggulut la king karelang kasalpantayanan. Tutu kung meging mabagsik karela angga na king miras ku king siudad da ring aliwang bansa king pamagligalig ku karela.

Ding Dapat 7:58

keladkad de lual na ning siudad at pemasibas deng batu. Likas da ing imalan da ring testigung menganiaya keya, at pepabante ra king metung a kayanakan a milagyuan Saulo.

1 Timoteo 1:13

Pinili na ku ban sumuyu keya agyamang migsalita kung laban keya. Ligalig ke at lepastangan kanitang minuna. Makanyan man melunus ya kanaku ing Dios uling e ku balu ing daraptan ku kanita uling e ku pa maniwala keya.

Santiago 2:7

E wari ila naman ding manyira king lagyung mitmung dangal a binie na ning Dios kekayu?