Levitico 24:11 - Ing Mayap a Balita Biblia

¹¹ King pamipate ra mekapanagkas ya't layun lepastangan ing lagyu ning Ginu. Inya dela re kang Moises.

Levitico 24:11 Iomraidhean Croise

2 Samuel 12:14

Makanyan man, uli na ning depat mung kalapastanganan king Ginu, mate ya ing mibait mung anak a lalaki.

1 Ari 21:10

Kaybat paluklukan la king mingatba na ring aduang malaram a magsaksi laban kang Nabot: king sinumpa neng Nabot ing Dios at ing ari. Kaybat, ilual ya at basibasan batu angga king mate ya.

1 Ari 21:13

Dinatang la ring aduang taung malaram at linukluk la mingatba nang Nabot. Kaybat, king daramdaman da ring dakal a tau sinabi ra, I Nabot sinumpa ne ing Dios at ing ari! Inya kinua re ding tau i Nabot at dela re king lual ning siudad, at pemasibas deng batu angga king mete ya.

2 Ari 18:30

E ye paniwalan agyang pang sabian nang iligtas na kayu ning Ginu o e na ipaintulut ning Ginu ing manabu ya karing gamat ku ing siudad yu.

2 Ari 18:35

Ninu karing dios ding bansa ing mekapagligtas karela? Inya ngeni, makananu neng iligtas ning Ginu ing Jerusalem karing gamat ku?

2 Ari 18:37

Kanita di Eliakim, Sebna, at Joa ginabak da ing susulud dang imalan uli na ning lungkut; mibalik la at minie ulat king ari tungkul king sinabi na ning opisyal a tau Asiria.

2 Ari 19:10

ban sabian na: Sinabi na keka ning dios a kekayung panaligan king e kayu manabu karing gamat ku, oneng e ka sa pailinlang kaniti.

2 Ari 19:22

Ninu ing isipan mung kekang lalapastanganan at insultuan? Meging ala kang galang kanaku, ing banal a Dios ning Israel.

2 Ari 19:6

pepayabut na ing pakibat: Sasabian na keka ning Ginu king e ka sukat mitatakutan king sasabian da ring tau Asiria king ing Ginu e na ka agyung iligtas.

Job 1:11

Subukan mung idayu ing heganaganang atyu kang Job at siguradung isumpa na ka.

Job 1:22

Makanyan man ing milyari, e ya mikasala i Job; e ne sinisian ing Ginu.

Job 1:5

Itang abak a kayari ning karelang anda, maranun yang mibangun i Job at miyain yang ain-sakripisyu para karing balang metung karing anak na; pota ating karelang mikasala king e na sasarian at mekalapastangan ya king Dios.

Job 2:5

Oneng nung panasakitan me ing katawan na, siguradung isumpa na ka.

Ding Dalit 74:18

Ganakan mu, Ginu, kaylian da ka ding kekang kalaban; ala lang Dios a katawan at ikang karelang pikakasaman.

Ding Dalit 74:22

Talakad ka, O Dios, idipensa mu ing kekang piamanuan, ganakan mung kaylian-kaylian da ka patingapun ding alang Dios a katawan.

Exodo 18:22

Paburen mu lang magsilbing bilang ukum para karing tau kabang-kaba. Idala da na la keka ding mangabayat a problema, pero ding lati-lating problema ila nang dili rang matul. King anti kanyan a paralan maging mayan ing obra mu uling kasaup mu lang magkarga.

Exodo 18:26

Menungkulan la bilang ukum da ring tau kabang-kaba. Kang Moises da la darala ding mangabayat a kasu, pero karing lati-lating pisasabian ila na mung dili ra ding lilingun.

Exodo 20:7

E ye gagamitan ing lagyu ku king e mayap a kapagnasan, uling aku, ing Ginung kekayung Dios, parusan ke ing ninumang gagamit e ustu king lagyu ku.

Exodo 22:28

E kayu magsalitang e mayap laban king Dios o panagkasan ing manimuna na ning balen yu.

Exodo 3:15

Sabian mu karing memalen ning Israel king aku, ing Ginu, ing Dios ding makatua da, ing Dios nang Abraham, Isaac, at Jacob ya ing mitubud keka karela. Iti ing lagyu ku king kapilan pa man; iti ya ing yaus dang lagyu kanaku ding sablang lahi king kapilan pa man.

Isaias 8:21

Maggala-gala la ding tau king mabilug a bansa; maina la lub at maranup. King uli na ning danup da at mua isumpa re ing ari da at ing karelang Dios. Talanga la banua

Levitico 24:10

Misan, ating taung anak na ning lalaking tau Ehipto at ning babaing taga Israel a milagyuan Selomit a anak nang Debri king tribu nang Dan. Linub ya iting lalaki king kampu da ring Israelita at mekipate ya king metung a tune Israelita.

Mateo 26:65

Panamdam na kaniti ning Pekapun ding Pari, ginabak na ing sarili nang imalan at ngana, Kalapastanganan iti king Dios! Ala ta nang kailangan a aliwa pang testigu! Ikayu mismu dimdam yu ing kalapastanganan a sinabi na!

Roma 2:24

Ing kasulatan sasabian na, King uli yu, ikayung Judio, insultuan de ring paganu ing lagyu na ning Dios.

1 Timoteo 1:13

Pinili na ku ban sumuyu keya agyamang migsalita kung laban keya. Ligalig ke at lepastangan kanitang minuna. Makanyan man melunus ya kanaku ing Dios uling e ku balu ing daraptan ku kanita uling e ku pa maniwala keya.

Kapahayagan 16:11

at piniumpa re ing Dios uli na ning daralanan dang kasakitan at uli da ring sugat da. Makanyan man e la sinisi at e la ginulut king e mayap dang dapat.

Kapahayagan 16:21

Minuran yelung mangaragul a tipak a titimbang halus limang pulung kilu balang metung at mibagsakan la ding tau. Penagkasan de ring tau ing Dios uli na niting salut, uling tune yang makapangilabut iting salut!