Levitico 23:8 - Ing Mayap a Balita Biblia

⁸ Iyain yu la ding ain-a-durulukan kilub da reting pitung aldo. King kapitung aldo mitipun kayung pasibayu ban samba; e kayu bitasang magobra.

Levitico 23:8 Iomraidhean Croise

Exodo 12:16

Mitipun-tipun kayu king mumunang aldo at pasibayu king kapitung aldo ban samba. Alang darapat nanumang obra kareting aldo; ing makapaintulut mu kekayu ya ing pamisadia king pamangan a kailangan yu.

Exodo 13:6

Mangan kayung tinape alang lebadura kilub ding pitung aldo, at king kapitung aldo sukat mika pamagpiesta bilang parangal king Ginu.

Ezekiel 45:23

Kilub ding pitung aldo ning piesta, aldo-aldo yang misadiang pitung toro at pitung lalaking tupa a paraparehung alang dipektu bilang ain-a-durulukan. Misadia ya namang metung a lalaking kambing bilang ain-a-kapamayaran-king-kasalanan.

Levitico 23:7

Mitipun kayu king mumunang aldo ban samba, at e kayu bitasang magobra.

Levitico 23:9

Ngana pa ning Ginu kang Moises,

Ding Bilang 28:18

King mumunang aldo ning piesta, mitipun kayu ban samba. E kayu magobra king aldong iti.

Ding Bilang 28:25

King kapitung aldo, mitipun kayung pasibayu ban samba. E kayu magobra king aldong iti.

Ding Bilang 28:26

King mumunang aldo na ning Piesta ning Pamamupul, potang iyain yu na ing bayung trigu king Ginu, mitipun kayu ban samba. E kayu magobra king aldong iti.

Deuteronomio 16:8

E kayu mamangan tinape ating lebadura kilub ding anam a aldo, at king kapitung aldo gawa kayung metung a taimtim a pamipulung bilang parangal king Ginung kekayung Dios. E kayu bitasang magobra king aldong ita.