Levitico 23:6 - Ing Mayap a Balita Biblia

⁶ Ing Piesta ning Tinape Alang Lebadura magumpisa ya king kabukasan, king kalabing limang aldo. E kayu mamangan nanumang tinape ating lebadura kilub ding pitung aldo.

Levitico 23:6 Iomraidhean Croise

Exodo 12:14

Sukat yeng pagselebran ing aldong iti bilang piestang parangal king Ginu ban e yu kalinguan ing depatan ku, ing Ginu. Pagselebran ye king kapilan pa man.

Exodo 23:15

King bulan ning Abib, ing bulan nung kapilan kayu linual Ehipto, pagselebran ye ing Piesta ning Tinape Alang Lebadura, antimo ing inutus ku na kekayu. E kayu mamangan tinape ating lebadura kilub ding pitung aldo a makatuldu para kaniting piesta. E ya mamarap king pamanyamba kanaku ing ninuman a ala yang daralang ain.

Exodo 34:18

Pagselebran ye ing Piesta ning Tinape Alang Lebadura. Antimo ing inutus ku na kekayu, tinape alang lebadura ing kanan yu karing pitung aldo a makatuldu king bulan ning Abib, uling king bulan a ita kanita kayu meko king Ehipto.

Deuteronomio 16:3

E kayu mamangan kayabe na tinape ating lebadura; ing tinape alang lebadura, ing tinape na ning pamagkakasakit, ya ing kanan yung kayabe na kilub ding pitung aldo, antimo ing gewa yu inyang mirarapal kayung linual Ehipto. Daptan yu iti ban e yu na kalinguan king kekaban ning bie yu ing paglako yung mirarapal king Ehipto.

Deuteronomio 16:8

E kayu mamangan tinape ating lebadura kilub ding anam a aldo, at king kapitung aldo gawa kayung metung a taimtim a pamipulung bilang parangal king Ginung kekayung Dios. E kayu bitasang magobra king aldong ita.