Levitico 23:3 - Ing Mayap a Balita Biblia

³ Atin kayung anam a aldo ban gawan ing obra yu, oneng ing kapitung aldo, ing Aldo ning Sabbath, ya ing aldo ning pamagpaynawa. E kayu magobra king aldong iti; mitipun kayu ban samba nu kayu man karin. Kanaku ya ing Aldo ning Sabbath; aku ing Ginu.

Levitico 23:3 Iomraidhean Croise

Exodo 16:23

Ngana karelang Moises, Inutus na ning Ginu king ing bukas aldo yang sagradu para paynawa, makatalaga ya para king Ginu. Ilutu yu na ngeni pa itang buri yung ilutu, at ipabukal yu na ngeni pa itang buri yung ipabukal. Sukat ilele at isinup para bukas ing nanumang mitagan.

Exodo 16:29

Tandanan yu king aku, ing Ginu, dininan da kayung metung a aldo magpaynawa, at ita ing sangkan nung inya king kanam a aldo dirinan da kayung pagkabie a sapat para aduang aldo. E ya sukat mamako ing ninuman king lugal a dasnan na ning kapitung aldo, at e ya mamako king bale na.

Exodo 16:30

Inya ala lang daraptan a obra ding tau neng kapitung aldo.

Exodo 23:12

Daptan yu kilub ding anam a aldo ing obra yu, oneng tuknang kayung magobra king kapitung aldo ban mipaynawa kayu, at ban mibawi la sikanan ding ipus yu, ding dayuan a magobra para kekayu, at pati na ding animal a sese yu.

Exodo 34:21

Daptan yu kilub ding anam a aldo ing obra yu; paynawa kayu king kapitung aldo, agyang pang panaun na ning pamaniarul o panaun na ning pamamalut.

Isaias 56:2

Bendisyunan ku la detang parating mangiling at gagalang king Aldo ning Sabbath. Bendisyunan ku la ding e darapat nanumang e mayap.

Isaias 56:6

At sasabian na ning Ginu karetang taung dayuan a meging dake na ning balen a pinili na a malugud at susuyu ampon mangiling king Aldo ning Sabbath at tapat tutupad king kasunduan:

Isaias 58:13

Ngana ning Ginu, Nung kilalanan yeng banal ing Aldo ning Sabbath at nung tuknangan yung panintunan ing sarili yung kapakanan king aldong iti; nung pakamalan ye ing kanakung banal a aldo at nung galangan ye king kapamilatan na ning e yu pamaglakbe, pamagobra o king pamakipagkwentung alang kapupuntalan,

Levitico 19:3

Igalang la ding pengari yu at ipangiling ya ing Aldo ning Sabbath. Aku ing Ginung kekayung Dios.

Lucas 13:14

Oneng mimua ya ing manibala king sinagoga uling menulu ya i Jesus king Aldo ning Sabbath. Inya sinabi na karing tau, Ating anam a aldo a sukat tamung magobra. Datang kayu keti kareting aldo ban paulu at e king Aldo ning Sabbath!

Lucas 23:56

Kaybat na nita, minuli la at migsadiang pabanglu at laru para king bangke na. Migpaynawa la king Aldo ning Sabbath, antimo ing yuyutus na ning Kautusan.

Ding Dapat 15:21

Uling malambat neng mababasa ing Kautusan nang Moises karing sinagoga balang Aldo ning Sabbath, at mipanaral ing turu na king balang balen.

Kapahayagan 1:10

Aldo ning Ginu kanita inyang liban na ku ning Espiritu at kagulutan ku dimdam ke ing masikan a siwalang balamu trumpeta.