Levitico 23:11 - Ing Mayap a Balita Biblia

¹¹ Iyain ne iti ning pari bilang ain-a-makapasubali ban maging katanggap-tanggap kayu kanaku. At iyain ne ning pari kabukasan ning Aldo ning Sabbath.

Levitico 23:11 Iomraidhean Croise

Exodo 28:38

Isulud neng Aaron iti king kanuan na ban aku, ing Ginu, kaku la ngan tanggapan ding ain a yayain da kanaku ding Israelita, agyang pang makarapat lang kamalian ding tau king pamiyain da kareti.

Exodo 29:24

Ibili mu ngan iting pamangan king gamat nang Aaron ampon ding anak na, at iyutus mu karela ing iyain da iti kanaku bilang makabukud a ain.

Levitico 10:14

Ikayu ampon ding pamilya yu malyari kayung mangan king salu at king bitis a tauli a miyain bilang makapasubaling regalu king Ginu at bilang makapasubaling regalu munaman para karing pari. Kanan yu iti ketang lugal a malinis. Ila deti ring dake miyabie kekayu at karing anak yu karing ain-ning-pamisulusulu a inain da ring memalen na ning Israel.

Levitico 23:10

Sabian mu munaman karing memalen na ning Israel king potang manuknangan na la king gabun a babie ku karela ing ibie ra sa king pari balang mupul la ya ing mumunang kaptas a binutil na ning pupul da.

Levitico 23:12

King aldo iyain ya iting binutil, magdala kayu namang metung a lalaking tupa a pabanua tua at alang dipektu bilang ain-a-durulukan.

Levitico 9:21

Inampang na la ding salu ampon ing tauli dang bitis a wanan bilang makapasubaling ain king Ginu para karing pari, agpang king inutus nang Moises.

Ruth 1:22

Iti ing sangkan nung inya i Naomi at ing manuyang nang i Ruth meko la Moab at migbalik king balen nang tibuan. Megumpisa naman kanita ing pamamupul king sebada inyang dinatang la Betlehem.