Levitico 23:10 - Ing Mayap a Balita Biblia

¹⁰ Sabian mu munaman karing memalen na ning Israel king potang manuknangan na la king gabun a babie ku karela ing ibie ra sa king pari balang mupul la ya ing mumunang kaptas a binutil na ning pupul da.

Levitico 23:10 Iomraidhean Croise

Exodo 22:29

E yu piluat-luat ing pamiyain yu kaku karing sukat yung iyain ibat king pupul yu, king alak a apalto yu karing ubas yu, at king laru a ibat karing tanaman yung olibo. Iyain ye kanaku ing pangane karing anak yung lalaki.

Exodo 23:16

Pagselebran ye ing Piesta ning Pamamupul potang pagumpisan yu nang palutan ing tenam yu. Pagselebran ye ing Piesta da ring Dalungdung potang malapit na ing panaun ning dimla, potang agtalan yu na la ding bunga yung ubas at aliwa pang bungang tanaman.

Exodo 23:19

Sukat yu lang idala balang banua king bale ning Ginung kekayung Dios ding mumunang diling bunga na ning pupul yu. E ye lulutu ing biserung kambing o biserung tupa king gatas na ning gaindu na.

Exodo 34:22

Pagselebran ye ing Piesta ning Pamamupul, potang pagumpisan yu nang palutan ing mumunang bunga na ning kekayung trigu, at pagselebran ya naman ing Piesta da ring Dalungdung king kapupusan na ning balang banua, potang pupulan yu la ding bunga yung tanaman.

Exodo 34:26

Idala yu la balang banua king bale ning Ginu ing mumunang bunga na ning pupul yu. E ye lulutu ing biserung tupa o kambing king gatas ning gaindu na.

Ezekiel 44:30

Karapatdapat ya karela ing mayap diling mumunang bunga da ring tanaman at ding makabukud a ain da ring tau. Itang mumunang tinape a alutu da ring tau sukat deng ibie karing pari at ing bendisyun manatili karing pibalebale da ring minain.

Levitico 14:34

Potang miras na kayu Canaan, ing gabun a ibabie ku kekayu, at mika sakit a kulapung makayawa karing bale tuknangan yu,

Levitico 23:11

Iyain ne iti ning pari bilang ain-a-makapasubali ban maging katanggap-tanggap kayu kanaku. At iyain ne ning pari kabukasan ning Aldo ning Sabbath.

Levitico 23:17

Ing balang pamilya sukat yang magdalang aduang tinape a megawa king apat at kapitnang litrung arina a linutung maki lebadura. Iyain iti bilang ain tungkul king mumuna yung pupul.

Levitico 23:9

Ngana pa ning Ginu kang Moises,

Ding Bilang 15:2

Sabian mu ing anti kaniti karing memalen na ning Israel: Potang miras na kayu king gabun a babie ku ban maging tuknangan yu,

Ding Bilang 28:26

King mumunang aldo na ning Piesta ning Pamamupul, potang iyain yu na ing bayung trigu king Ginu, mitipun kayu ban samba. E kayu magobra king aldong iti.

Roma 11:16

Nung ing mumunang kapirasung tinape miyain ya king Dios, keya ya naman ing kabilugan a tinape at nung ding yamut ning metung a tanaman miyain la king Dios, keya la naman ding sanga.

Deuteronomio 16:9

Mamilang kayung pitung dominggu manibat king pamagumpisa na ning pamamupul king tenam yung trigu,

Santiago 1:18

King sarili nang kaburian beit na katamu king kapamilatan na ning amanu ning katutuan ban itamu ding maging mumunang diling bunga na ning sablang lelangan na.

Kapahayagan 14:4

Ila deti ring lalaking e mika kaugnayan karing babai; birhen lang lalaki. Tutuki la king Kordero nukarin ya man munta. Meyatbus la karing tau ban maging mumuna lang ain king Dios at king Kordero.

Ruth 1:22

Iti ing sangkan nung inya i Naomi at ing manuyang nang i Ruth meko la Moab at migbalik king balen nang tibuan. Megumpisa naman kanita ing pamamupul king sebada inyang dinatang la Betlehem.