Levitico 22:9 - Ing Mayap a Balita Biblia

⁹ Sukat na lang tuparan Aaron at ding anak nang lalaki ding sablang tuntunan a binie ku karela. Mikasala la at mate nung sakaling e ra la tuparan. Aku ing Ginu at ing papagbanal karela.

Levitico 22:9 Iomraidhean Croise

Exodo 28:43

Kailangan ing isulud na lang Aaron deti at ding anak nang lalaki neng mamarap la kanaku kilub na ning Toldang tuknangan ku o neng lalapit la king altar ban gampanan da ing karelang pangapari kilub ning Banal a Lugal, at ban e la mangamate uli na ning kalubasan da. Maging metung ya iting tuntunan king kapilan pa man para kang Aaron at karing maging lahi na.

Levitico 16:13

Karin king arapan ku, ing Ginu, ibili na king uling a mibabaya ing insenso ban pampanan ne ning asuk ning insenso ing takap na ning Kaban ning Kasunduan ban e ne akuang akit at e ya mate.

Levitico 16:2

Ngana ning Ginu kang Moises, Sabian mu kang Aaron a kapatad mu king e nia kabud lulub king tabing ning Kabanal-banalan a Lugal nune mu king mitakdang panaun, uling karin ku papakit libutad ning metung a biga tulid ning takap ning Kaban ning Kasunduan. Mate ya, nung e ya tupad kaniti.

Levitico 18:30

Inya sukat yung tuparan ing inutus ku kekayu, at e yu pakiapusan ing makasumami rang ugali ban e kayu midinatan kareting dapat. Aku ing Ginung kekayung Dios.

Levitico 22:16

E ra sukat papakan iti karing e mangaintuliran. Kabud melabag ya iting tuntunan mikasala ya ing mengan at mikapakibatan ya. Aku ing Ginu at ing papagbanal kareti.

Ding Bilang 18:22

E na la malyaring lumapit ding e Levita king Toldang tuknangan ku ban e la mikasala at e mate.

Ding Bilang 18:32

E la mikasala nung kanan da iti, nung ing pekamasanting nang dake ya ing inain da. Pero mate la, nung lapastanganan da la ring sagradung ain da ring memalen na ning Israel.

Mateo 23:17

Bulag at mangmang! Isanu ing lalung maulaga: ing gintu o ing Templo a makapagbanal king gintu?

Deuteronomio 11:1

Inya sukat yeng luguran ing Ginung kekayung Dios at parating pamintuan ding sablang utus na.