Levitico 22:8 - Ing Mayap a Balita Biblia

⁸ E ya sukat mamangan king karni na ning isanu pa mang animal a kabud na mete o kaya piglapak da ring mabangis a animal; makadungis iti king pangatau na. Aku ing Ginu.

Levitico 22:8 Iomraidhean Croise

Exodo 22:30

Ibie yu la naman kanaku ding pangane karing baka yu at tupa. Papanatilian yeng pitung aldo king gaindu na ing biseru, at iyain yu ne kanaku king kawalung aldo.

Exodo 22:31

Ikayu ing balen a pinili ku, inya e kayu mamangan king karni na ning animal a piglapak da ring lasip; pakan yu nia mu karing asu.

Ezekiel 4:14

Oneng ngakung mekibat, Ali, Ginung Dios! E ku pa bitasang dinatan ing sarili ku. Manibat na kanitang malati ku e ku pa bitasang mengan king nanumang karning animal a mete na kabud o pete da ring malyap a animal. E ku pa bitasang mengan nanumang pamangan a mituring e malinis.

Ezekiel 44:31

E la sukat mangan ding pari karing ayup o animal a kabud na mete o piglapak da ring kalupa rang animal.

Levitico 17:15

Ing ninumang mangan, Israelita ya man o dayuan, king karni na ning animal a mete na kabud o kaya piglapak da ring mabangis a animal, sukat nang pipian ing susulud nang imalan at mandilu ya, oneng ituring yang e malinis angga king kabengian.

Levitico 7:24

Ing taba ning animal a mete na kabud o kaya piglapak na ning kalupa nang animal malyari yang gamitan king nanumang pamangailangan, oneng e ya malyaring kanan.

Deuteronomio 14:21

E ye malyaring kanan ing animal a kabud na mete. Ibie yu nia mu karing dayuan a makipanuknangan kekayu o kaya pisali ye karela ban mika pamangan la. E yu sana kakalinguan king tau kayung pinili na ning Ginung Dios. E ye lalaga ing biserung kambing king gatas na ning gaindu na.