Levitico 22:6 - Ing Mayap a Balita Biblia

⁶ Ituring yang e malinis ing ninumang mekatagkil angga king kabengian, at e ya malyaring mangan king isanu pa man karing sagradung ain anggang e ya mendilu.

Levitico 22:6 Iomraidhean Croise

Levitico 11:27

Ituring yu la namang e malinis ding sablang animal a tiapat a bitis a ating pangamus. Ing ninumang tagkil karing bangke da reti maging marinat ya angga king kabengian.

Levitico 11:28

Kailangan ing pipian na ing imalan a susulud na ning mekatagkil, at ituring yang marinat angga itang kabengian.

Levitico 11:31

E la malinis deti at ing ninumang tagkil karing bangke ra ituring yang e malinis angga itang kabengian.

Levitico 11:32

At nung ing bangke ning isanu pa man kareti atin yang digpanan a bage, maging marinat ya ita. Inya ing isanu mang kasangkapan a midagpanan karetikasangkapan ya o bage megawa king dutung, imalan, balat, silisyo o nanuman, sukat yang ibabad king danum, oneng manatili ya pamu ring e malinis angga itang kabengian.

Levitico 11:39

Nung ing animal a malyaring kanan kabud nia mete, ing tagkil king bangke na niti maging e ya malinis angga king kabengian.

Levitico 11:40

At ing ninumang mangan king karni na ning animal a anti kaniti sukat nang pipian ing imalan a susulud na, at manatili yang e malinis angga king kabengian. Antimu rin, ing ninumang mibuat king bangke na ning mete animal sukat na namang pipian ing imalan a susulud na. Makanyan man, manatili yang e malinis angga king kabengian.

Levitico 15:5

Sukat nang pipian ing susulud nang imalan ning ninumang makatagkil king pagkeran na, at saka ya mandilu, at ituring yang e malinis angga king kabengian.

Levitico 22:5

o kaya ing ninumang mekatagkil karing animal a e malinis o king taung e malinis.

Levitico 22:7

Potang limbug ne ing aldo kanita ya pa maging malinis at kanita ya pa mu malyaring makapangan karing sagradung ain a karapatan na.

Hageo 2:13

Kanita kitang nang Hageo, O nu mong mirinatan ya ing metung a lalaki uli na ning tigkilan ne ing metung a bangke, at kaybat tagkilan ne ing isanu man kareting mesabing pamangan, mirinatan la munaman deti? Ngarang mekibat ding pari, Wa.

Ding Bilang 19:22

Ituring yang e malinis ing nanumang tigkilan na ning taung e malinis, at ing ninumang tagkil karing tigkilan na manatili yang e malinis angga itang bengi.

1 Corinto 6:11

Anti la kareting mebanggit ding mapilan kekayu. Oneng mewas na ing kasalanan yu; mitalaga na kayu king Dios at meging banal uli na ning lagyu ning Ginung Jesu-Cristo, at uli na ning Espiritu ning kekatamung Dios.

Hebreo 10:22

Inya kailangan tamung lumapit king Dios a kayabe ning matibe kasalpantayanan, at ning matatag a kapanaligan. Lumapit tamu king Dios a ating malinis a konsiensia ngening milako na la dinat ding kekatamung pusu at mewas la ding katawan tamu king danum a dalise.