Levitico 22:3 - Ing Mayap a Balita Biblia

³ Sabian mu karela king itiwalag ke ing ninuman karing lahi da a e malinis lalapit king altar. Tuntunan ya iting sukat ipairal king sablang panaun. Aku ing Ginu.

Levitico 22:3 Iomraidhean Croise

Ezra 8:28

Ngaku karela, Mitalaga kayu king Ginu, ing Dios da ring makatua yu, at antimu rin ding kasangkapan a pilak at gintu a miparala para king Ginu bilang kusang lub a ain.

Ding Dalit 16:11

Ing dalan a papunta king bie kaku papakit me; siping mu atyu tulang alang kapante; ing saup mu magdalang tulang alang kapupusan.

Ding Dalit 51:11

E mu ku tatabi king kekang arapan; e me lalako kaku ing espiritu mung banal.

Exodo 30:33

Ninumang gawang kalupa na sangkap niti at saka na gamitan iti kenu pa mang e pari, e ne malyaring mibilang pang miembru na ning kanakung balen.

Levitico 22:2

Sabian mu kang Aaron at karing anak nang lalaki king e ra paburen ing malapastangan ya ing banal kung lagyu. Inya sukat da lang tanggapan king mitmung kagalangan ding sagradung ain a yayampang da kanaku ding memalen na ning Israel. Aku ing Ginu.

Ding Bilang 19:13

Ninuman ing tagkil king bangke ning tau at e na linisan ing sarili na king danum a para kaniti, dirinatan ne ing Toldang tuknangan ku at sukat yang itiwalag king balen ning Israel, uling e ya miglinis. Inya manatili yang e malinis.

Mateo 25:41

Kaybat sabian na karetang atyu king banda nang kayli, Dumayu kayu kanaku, ikayung misumpa! Munta kayu king alang anggang api a misadia para king diablo at karing anghel a kampun na!

2 Tesalonica 1:9

Ing maging parusa da ya ing alang anggang kapahamakan at pangawale king Ginu at king maligaya nang kayupayan.