Levitico 22:2 - Ing Mayap a Balita Biblia

² Sabian mu kang Aaron at karing anak nang lalaki king e ra paburen ing malapastangan ya ing banal kung lagyu. Inya sukat da lang tanggapan king mitmung kagalangan ding sagradung ain a yayampang da kanaku ding memalen na ning Israel. Aku ing Ginu.

Levitico 22:2 Iomraidhean Croise

Ezra 8:28

Ngaku karela, Mitalaga kayu king Ginu, ing Dios da ring makatua yu, at antimu rin ding kasangkapan a pilak at gintu a miparala para king Ginu bilang kusang lub a ain.

Exodo 13:12

sukat yeng iyain king Ginu ing balang pangane anak yung lalaki. Mangaintulid ya naman king Ginu ing balang pangane lalaki karing sese yung animal,

Exodo 28:38

Isulud neng Aaron iti king kanuan na ban aku, ing Ginu, kaku la ngan tanggapan ding ain a yayain da kanaku ding Israelita, agyang pang makarapat lang kamalian ding tau king pamiyain da kareti.

Isaias 52:11

Lakuan yu ne ing Babilonia, ikong karing kasangkapan ning Templo magdala. Karing bawal a bage e kayu tatagin; ingatan yung malinis ing sarili yu at lakuan yu ne ing siudad.

Ezekiel 44:8

Lugal king ikayu ing manibala karing bage banal a mitalaga para kanaku, penibala yu la karing dayuan.

Levitico 15:31

Makanyan yu lang ingatan ding memalen na ning Israel tungkul king karelang e pangamalinis, nung ali mate la arapan na ning altar ku, ing Ginu, a atyu libutad da, nung dinatan de.

Levitico 18:21

E me babie ing ninuman karing anak mung babai para magamit king pamanyamba king dios a i Molek, uling iti kalapastanganan king lagyu na ning kekang Dios. Aku ing Ginu.

Levitico 19:12

E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Levitico 20:3

Aku mismu isakuil ke at itiwalag bilang miembru na ning balen Israel, nung ing ninuman munie yang anak kang Molek. Kalapastangan ing anti kaniting dapat king kanakung santuaryu at king banal kung lagyu.

Levitico 21:6

Sukat lang maging banal arapan ku, ing Dios, at e lalapastangan king lagyu ku. Ila ring miyayain ain-a-pamangan kanaku, inya sukat lang maging banal.

Levitico 22:1

Ngana pang sinabi ning Ginu kang Moises,

Levitico 22:32

E ye lalapastanganan ing banal kung lagyu; galangan yu ku. Aku ing Ginu at ing papagbanal kekayu.

Ding Bilang 18:32

E la mikasala nung kanan da iti, nung ing pekamasanting nang dake ya ing inain da. Pero mate la, nung lapastanganan da la ring sagradung ain da ring memalen na ning Israel.

Deuteronomio 15:19

Kailangan lang italaga king Ginung kekayung Dios ding sablang mumunang ayanak dang lalaki ding sese yung animal. E yu la gagamitan pagobra deting pangane baka at e yu la ururan ding tupa a mitalaga na king Dios.