Levitico 22:10 - Ing Mayap a Balita Biblia

¹⁰ E ya malyaring makapangan king bage sagradu ing ninumang e miembru king pamilya ning pari, at pati na detang makipanuknangan king pari o detang makipagobrang upahan na.

Levitico 22:10 Iomraidhean Croise

Ezra 2:63

Sinabi na karela ning gobernador king e la malyaring mangan king pamangan a miyain king Dios anggang e na asangguni ning pari iting bage king kapamilatan na ning Urim at Tumim.

Exodo 12:43

Ngana ning Ginu kang Moises at Aaron, Oreni ding tuntunan para king Pamaglagpus. E ya malyaring makisulu kaniti ing ninumang dayuan,

Exodo 12:45

E ya naman malyaring makiabe kaniti ing aliwang taung makipanilas mu kekayu o kaya ing metung a talapagobrang upahan yu.

Exodo 29:33

Sukat dang kanan itang megamit king seremonia ning pangapatawaran kasalanan inyang miyordinan la. Bukud mung ding pari ilang mangan kaniti uling iti sagradu.

Ezekiel 44:8

Lugal king ikayu ing manibala karing bage banal a mitalaga para kanaku, penibala yu la karing dayuan.

Levitico 21:22

Malyari yang mangan king kakanan a miyain kanaku, maging king sagradu o mas sagradung ain-a-pamangan.

Levitico 22:13

Nung mabalu ya ing anak na o diborsiada ya at ala yang anak, kaybat minuli ya bale nang tata na, kanita ya pa malyaring makapangan king pamangan nang tata na a pari. Bukud mung ing miembru na ning pamilyang pari ya ing makapangan king pamangan a miyain.

Ding Bilang 3:10

Ibie mu ing obrang pari kang Aaron at karing anak na. Paten ya ing ninumang mangangas magobra king obra da.

Mateo 12:4

Linub ya at ding kayabe na king bale na ning Dios at mengan la king tinape a miyain king Dios. Labag king Kautusan ing mangan king tinapeng ita, uling bukud mung ding pari ilang atin karapatan mangan kaniti.

1 Samuel 21:6

Uli na niti, dininan ne ning pari king sagradung tinape; uling alang tinape karin nune mu itang tinape a miyain king altar na ning Ginu. Lalako re iting tinape king altar ning Ginu at alilan deng tinape kakid-akid potang miras ne ing aldo a sukat deng alilan.

1 Samuel 21:7

Mipaintagun ing atyu ya kanita karin i Doeg a tau Edom, ing metung karing tauan nang Saul at pekapun da ring pastul na. Atyu ya karin ban samba king Ginu.