Levitico 21:9 - Ing Mayap a Balita Biblia

⁹ Nung mekiabe ya karing babaing magtindang katawan ing anak nang babai ning ninumang pari, lepastangan ne ing pari a tata na. Inya silaban yang mabie.

Levitico 21:9 Iomraidhean Croise

Genesis 38:24

Kalabas na ning atlung bulan belita ra kang Juda king memialung yang api ing manuyang nang i Tamar at ngeni mabuktut ya. Ilual ye, nganang Juda, at saka ye silaban.

Exodo 31:14

Inya sukat yeng ipangiling ing Aldo ning Sabbath uling aldo yang sagradu. Paten ya ing ninumang taung labag king Aldo ning Sabbath at magobra kilub ning aldong ita.

Isaias 33:14

Gagalgal la king takut ding makasalanan nang memalen ning Zion. Ngarang sasabi, Mengari ing kayatulan na ning Dios king aping mikakalukung alang kapupusan. Ninu kekatamu ing malyaring miligtas king aping anti kanyan?

Ezekiel 9:6

Paten yu la ding matuang lalaki, ding kayanakan a lalaki at babai, ding ima at ding anak. Oneng e ye tatagkilan ing ninumang ating tanda king kanuan na. Magumpisa kayu keting Templo ku. Inya megumpisa la karing makatuang manimuna a pakatalakad kilub ning Templo.

Levitico 19:29

E yu la lalako dangalan ding anak yung babai king pamipaintulut yung magamit la bilang magtinda king karelang katawan kilub da ring templo. Ing dapat a anti kaniti metung yang pamaniuyu karing dios a e tutu, at maging dalan ne ning dakal a imoralidad king bansa.

Levitico 20:14

Nung ing metung a lalaki gewa na lang asawa na ring mi-ima, paten la ilang atlu; silaban lang mabie uli na ning bage makasumaming depat da. Ing anti kaniting bage e sukat marapat libutad yu.

Malakias 2:3

Parusan ku la ding maging anak yu at ikaskas karing lupa yu ing dinat da ring animal a sasakripisyu yu, at miyugse kayung kayabe ra.

Deuteronomio 22:21

kanita ilual de king bale nang tata na. Basibasan deng batu ding lalaki na ning balen angga king mate ya, uling dinapat yang maragul a kamarinayan king balen Israel at king pamilya na. King makanyan a paralan yu alako ing e mayap king kalibudtan yu.

Tito 1:6

Ing balang makatuang talapangasiwa sukat ing ala yang kapintasan: metung ya asawa at kailangan king talasalpantaya la ding anak na, at e la kabalitan king nanumang kesiasan buntuk at pamaglaban.

Josue 7:15

At ing kayakitanan karing bage makabawal, silaban ya at ing pamilya na, at ing sablang pibandian na uling pigdala neng maragul a kamarinayan ing Israel at lebagan ne ing kanakung kasunduan.

Josue 7:25

At nganang Josue, Obat pepasari mu ing e mayap a ini kekami? Ngeni ing Ginu ya ing munie kapahamakan keka! At ding sablang tau kanita pemasibas deng batu i Acan angga king mete ya; pemasibas da la namang batu at silaban ding pamilya na at ing pibandian na.

1 Samuel 2:17

Tutung maragul ing pamikasala ra deting kayanakan a anak nang Eli king arapan na ning Ginu; e ra no gelangan man ding ain king Ginu.

1 Samuel 2:34

Ing malyari karing adua mung anak a i Ofni at i Fineas magsilbing sinial para keka: mate la kilub ning patingapun.