Levitico 21:8 - Ing Mayap a Balita Biblia

⁸ Italaga ya king kabanalan ing pari, uling ya ing miyayain king tinape para kanaku, ing Dios. Sukat yang maging banal, uling aku, ing Ginu, ing papagbanal kekayu at banal ku.

Levitico 21:8 Iomraidhean Croise

Nehemias 13:29

E mu la sana kakalinguan, O Dios ko, deting taung linapastangan king katungkulan da bilang pari at ing kasunduan a tinatag mu karing pari at Levita.

Exodo 19:10

at ngana ning Ginu, Moises, puntalan mu la ding tau at sabian mu karela king gamitan de ing aldong iti ampon ing bukas king pamagsadia para king pamanyamba. Sukat dang pipian ing imalan da,

Exodo 19:14

Kaybat na nita, kinuldas ya i Moises king bunduk, at sinabi na karing tau king magsadia na la para king pamanyamba. Inya pinipi ra ing imalan da.

Exodo 28:41

Ipasulud mu la deting imalan kang Aaron a kapatad mu at karing anak nang lalaki. Kaybat, ordinan mu la at italaga king kapamilatan na ning pamitugtug mung larung olibo karela ban kanita makasuyu la kanaku bilang pari.

Exodo 29:1

Oyni ngeni ing sukat mung daptan kang Aaron at karing anak nang lalaki ban aitalaga mu la bilang paring sumuyu kanaku. Kuma kang metung a baintaung toro ampon aduang lalaking tupa a alang kapansanan.

Levitico 19:2

Sabian mu karing memalen na ning Israel: Magpakabanal kayu, uling aku, ing Ginung kekayung Dios, banal ku.

Levitico 21:6

Sukat lang maging banal arapan ku, ing Dios, at e lalapastangan king lagyu ku. Ila ring miyayain ain-a-pamangan kanaku, inya sukat lang maging banal.

Levitico 22:16

E ra sukat papakan iti karing e mangaintuliran. Kabud melabag ya iting tuntunan mikasala ya ing mengan at mikapakibatan ya. Aku ing Ginu at ing papagbanal kareti.

Levitico 3:11

Dulukan na ngan iti ning pari a mangasiwa karin king altar bilang ain-a-pamangan para kanaku, ing Ginu.

Malakias 1:7

E yu na ku gagalangan king kapamilatan na ning pamamie yung ain a alang kabaldugan king kanakung altar. At kaybat kukutang yu pa, Makananu keng milako galang keka? Sabian ku kekayu: milako kayu galang kanaku king kapamilatan na ning keyalan yung galang king kanakung altar.

Ding Bilang 28:2

Iyutus mu karing memalen na ning Israel king miyain lang ain kanaku; ain-a-pamangan king mitakdang panaun. Babie tula kanaku, ing Ginu, ing bau da reting ain.

Juan 10:36

Pinili na ku ning Ibpa at tinubud keti king yatu. Makananu yung asabi kanaku ngeni ing lalapastanganan ke ing Dios uling sinabi kung Aku ing Anak ning Dios?

Juan 17:19

At king uli ra babie ku keka ing kanakung sarili ban ila man maging keka la kapamilatan na ning katutuan.

Hebreo 10:29

e kasi lalu yang mabayat ing parusang dugpa king taung maninsultu king Anak ning Dios at lalapastangan king dayang meging katibayan na ning tipan ning Dios at pepabanal keya at king taung maninsultu king Espiritung magdalang lunus?

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.