Levitico 21:6 - Ing Mayap a Balita Biblia

⁶ Sukat lang maging banal arapan ku, ing Dios, at e lalapastangan king lagyu ku. Ila ring miyayain ain-a-pamangan kanaku, inya sukat lang maging banal.

Levitico 21:6 Iomraidhean Croise

Ezra 8:28

Ngaku karela, Mitalaga kayu king Ginu, ing Dios da ring makatua yu, at antimu rin ding kasangkapan a pilak at gintu a miparala para king Ginu bilang kusang lub a ain.

Exodo 19:22

Agyang ding pari a lalapit kanaku sukat lang maglinis king sarili da, nung ali la parusan ku la.

Exodo 28:36

Gawa kang metung a palamuting tsapang gintung puru at idukit mu kaniti ing: Makatalaga king Ginu.

Exodo 29:44

Gawan keng banal ing Toldang tuknangan ku ampon ing altar, at ibukud ke i Aaron at ding anak nang lalaki ban sumuyu la kanaku bilang pari.

Isaias 52:11

Lakuan yu ne ing Babilonia, ikong karing kasangkapan ning Templo magdala. Karing bawal a bage e kayu tatagin; ingatan yung malinis ing sarili yu at lakuan yu ne ing siudad.

Ezekiel 44:7

Mesalaula ya ing Templo ku uling peintulutan yu lang linub ding dayuan a e mesirkunsisyun at ding marinat a pamisip at pusu inyang inain yu ing taba at ing daya da ring animal para ain-sakripisyu. Inya dinatan de ing Templo ku. At ikayu naman, subali pa karetang bage makasumaming depat yu, lebagan ye pa ing kakung kasunduan.

Levitico 10:3

Nganang migsalitang Moises kang Aaron, Oyan ing amanuan na ning Ginu kanitang sinabi nang Sukat dang kilalanan ding sablang lalapit kanaku king banal ku, at ihayag ku ing kamalan ku arapan da ring tau. Oneng menatili yang e bubulad i Aaron.

Levitico 18:21

E me babie ing ninuman karing anak mung babai para magamit king pamanyamba king dios a i Molek, uling iti kalapastanganan king lagyu na ning kekang Dios. Aku ing Ginu.

Levitico 19:12

E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Levitico 20:3

Aku mismu isakuil ke at itiwalag bilang miembru na ning balen Israel, nung ing ninuman munie yang anak kang Molek. Kalapastangan ing anti kaniting dapat king kanakung santuaryu at king banal kung lagyu.

Levitico 21:17

Sabian mu kang Aaron king ala metung man karing lahi na a maki pinsala king katawan na ing sukat paintulutan miyain ain-a-pamangan arapan ku. Iti metung yang tuntunan a sukat ipatupad king kapilan pa man.

Levitico 21:21

E ya paintulutan sumuyu king altar ing ninuman karing lahi nang Aaron a maki pinsala king katawan na. E ya malyaring miyain ain uli na ning kapinsalan na.

Levitico 21:23

Makanyan man, e ya sukat lalapit king sagradung tabing o lalapit king altar uli na ning atin yang pinsala king katawan na. Kabud linapit ya lepastangan na la ding banal a bage, uling aku ing Ginu a papagbanal kareti.

Levitico 21:8

Italaga ya king kabanalan ing pari, uling ya ing miyayain king tinape para kanaku, ing Dios. Sukat yang maging banal, uling aku, ing Ginu, ing papagbanal kekayu at banal ku.

Levitico 3:11

Dulukan na ngan iti ning pari a mangasiwa karin king altar bilang ain-a-pamangan para kanaku, ing Ginu.

Ding Bilang 16:5

Kaybat ngana kang Kora at karing kayabe na, Bukas abak, ipakilala na ning Ginu nung kaninu ya makapanig, nung ninu ing pinili na at nung ninu ing makalapit arap na.

Ding Bilang 28:2

Iyutus mu karing memalen na ning Israel king miyain lang ain kanaku; ain-a-pamangan king mitakdang panaun. Babie tula kanaku, ing Ginu, ing bau da reting ain.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.