Levitico 21:11 - Ing Mayap a Balita Biblia

¹¹ E na sukat dirinatan ing sarili na king pamamunta na king mete agyang pang ing mete ya i tata na o i ima na.

Levitico 21:11 Iomraidhean Croise

Levitico 19:28

E kayu pabiling tatu karing katawan yu o paniugatan ing katawan yu para ipasiag yu ing kalungkutan yu karing mete. Aku ing Ginu.

Ding Bilang 19:11

Maging marinat ya kilub ding pitung aldo ing ninumang tagkil king bangke ning tau, agpang king kautusan.

Ding Bilang 19:14

Oyni ing tuntunan potang ing metung a tau mete ya king toldang tuknangan: ding sablang atyu karin o ding lungub karin e la malinis kilub ding pitung aldo.

Ding Bilang 6:7

agyang pang ing mete ya i tata na o ima na o ing kapatad na. E na sukat dirinatan ing sarili na king uli da ring mete, uling atyu ya king mabilug nang katawan ing panatang Nazareo.

Lucas 14:26

E ya malyaring maging alagad ku ing ninumang lalapit kanaku nung maygit neng kaluguran kesa kanaku i tata na at ima na, ing asawa na at ding anak na, ding kapatad nang lalaki at babai at pati na ing mismung sarili na.

2 Corinto 5:16

Uli na niti, ing paglalawe mi ngeni kaninuman e makatalakad king paniukad na ning tau. King milabas a panaun, makanyan ing panlalawe mi kang Cristo. Oneng ngeni e na makanyan.

Deuteronomio 33:9

Mas kaluguran na ka kesa karing pengari na, kapatad at anak na, uling pamintuan na la ding kekang kautusan, at tapat king kekang kasunduan.