Levitico 21:10 - Ing Mayap a Balita Biblia

¹⁰ Ing pari a pamuntuk da ring kalupa nang pari mitugtugan yang larung paglania king buntuk na at mitalaga ya king Dios para misulud karing imalan pari. Inya e ya sukat sabung-sabung a buak ni pangabakan ing susulud nang imalan para ipakilala ing pamagpaldas na.

Levitico 21:10 Iomraidhean Croise

Genesis 37:34

Ginabak neng Jacob ing imalan na uli na ning lungkut na, at saka ya misulud imalan a magaspang. Pigkalungkutan ne ing anak na kilub ning makabang panaun.

2 Samuel 15:30

Manangis ya i David inyang mukiat ya king Bunduk ding Olibo; ala yang sapin a bitis at makatalukbung ya uling tune yang manamdaman king milyari king bie na. Makanyan munaman ing depat da ring tinuki.

Ester 6:12

Kaybat na nita, mibalik ya i Mordecai karin king pasbul palub king palasyu. Memalagua ne mang minuli i Haman keta karela; malungkut ya at tatakpan ne ing lupa na uli na ning mengapakarine ya.

Job 1:20

Kanita tinalakad ya i Job; ginabak na ing imalan na uli ning lungkut na. Sitsat ne ing buntuk na, migsakab ya king gabun, at sinamba ya king Dios.

Ding Dalit 133:2

Mengari king larung mabanglu king buntuk mitugtug, at managlus karing balbas at talab ning baru nang Aaron.

Exodo 29:7

Kaybat, kuanan mu ing larung paglania at itugtug mu iti king buntuk na at lanian me.

Ezekiel 24:17

E mu paburen maramdam ing kekang siguk. E ka lulual alang takap a buntuk o alang sapin a bitis bilang tanda ning kekang pamagpaldas. E me tatakpan ing kekang lupa o mamangan man king kakanan da ring magpaldas.

Levitico 13:45

Sukat yang misulud imalan a gabak-gabak ing taung mika lepra; paburen neng sabung-sabung ing buak na, takpan ne banda lalam ing lupa na at saka na ikulisak, Marinat ku, marinat ku!

Levitico 16:32

Ing Pamuntuk da ring Pari a miyordinan at mitalaga kayalili nang tata na, ya ing ganap king pamaglinis king kasalanan. Isulud na ing imalan-pari

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 8:12

Inordinan ne i Aaron king kapamilatan na ning pamitugtug ditak a larung paglania king buntuk na.

Ding Bilang 35:25

Sukat neng iligtas ning balen iting mekapate ban e ne apate ning pekamalapit nang kamaganak ning apate na king e na sasarian, at ibalik de king siudad a santungan na nung nu ya sinalikut. Karin ya manatili kabang mabie ya ing paring matas dili katungkulan.

Ding Bilang 6:7

agyang pang ing mete ya i tata na o ima na o ing kapatad na. E na sukat dirinatan ing sarili na king uli da ring mete, uling atyu ya king mabilug nang katawan ing panatang Nazareo.

Mateo 26:65

Panamdam na kaniti ning Pekapun ding Pari, ginabak na ing sarili nang imalan at ngana, Kalapastanganan iti king Dios! Ala ta nang kailangan a aliwa pang testigu! Ikayu mismu dimdam yu ing kalapastanganan a sinabi na!