Levitico 20:6 - Ing Mayap a Balita Biblia

⁶ Nung ing ninuman linapit yang maniawad kausukan karing mamamanula at karing espiritistang makipagsalita karing mete, isakuil ke at itiwalag king pangamiembru na king balen Israel.

Levitico 20:6 Iomraidhean Croise

Ding Dalit 73:27

Ding sablang gumulut keka mangamate la; gisanan mu la ding magtaksil keka.

Exodo 22:17

Nung tutul ya ing tata na ning dalaga king pamiyasawa ra, sukat yang mamayaran king tata ing miglinlang king alagang katumbas ning karaniwan a duru para king metung a dalagang makiasawa.

Exodo 22:18

Paten ya ing ninumang babaing mangkukulam.

Isaias 8:19

Oneng sabian da ring tau kekayu king maniawad kayung payu karing mamamanula at karing makipagsalita karing espiritu a sitsit nang sitsit at bulung nang bulung. Sabian da, Nanu mo pin ing daptan da ring tau nune mu ing maniawad lang payu karing espiritu at sumangguni karing mete alang-alang karing mabie.

Jeremias 44:11

Inya, aku, ing Ginung Mayupaya, ing Dios ning Israel, maging kalaban yu ku at lasakan ke ing mabilug a Juda.

Ezekiel 6:9

nung nu la manuknangan king pangayugse. Aganaka da ku karin at akilala da king perusan ku la at leko dangalan, uling ginulut la kanaku ding pusu rang taksil at mas liguran da la ring idolo kesa kanaku. At mandiri la king sarili da uli na ning e mayap at makasumaming bage depat da.

Hosea 4:12

Maniawad lang payu king metung a kapirasung dutung. Sasabian na naman karela ning kapirasung dutung ing buri dang abalu! Gilutan da ku. Mengari la king babaing magtinda king katawan na; binie ra ing sarili da karing kikilalanan dang dios.

Levitico 17:10

Maging kalaban ke ing ninumang mangan daya at itiwalag ya king kapulungan, Israelita ya man o dayuan.

Levitico 19:26

E kayu mamangan king isanu mang karning atin pang daya. E kayu gagawang nanumang pamagsalamangka o pamangkukulam.

Levitico 19:31

E kayu maniawad kausukan karing mamamanula o karing espiritista a makipagsalita karing mete. Midinatan kayu kabud sinangguni kayu karela. Aku ing Ginung kekayung Dios.

Levitico 20:27

Paten ya kapamilatan na ning basibas batu ing ninumang lalaki o babai a makisangguni karing espiritu ra ding mete. Ya ing pepasari king sarili nang kamatayan.

Levitico 20:5

aku mismu isakuil ke at ing pamilya na ampon ding sablang katubale na. Itiwalag ke pati na detang mekiabe king pamanyamba kang Molek.

Ding Bilang 15:39

ban deting borlas, neng akakit da la, e la mangalinguan karing Kautusan na ning Ginu at pamintuan da la at aliwa ing sarili dang kapagnasan.

Ding Dapat 16:16

Misan a aldo kabang papunta kami king lugal a pipanalanginan, seganan na ke ning metung a babaing ipus a maki espiritung marawak. Uli na ning espiritung marawak a atyu keya agyu nang ulan ing daratang a panaun. King pamanula na dakal ya panakitan para karing makibandi keya.