Levitico 20:3 - Ing Mayap a Balita Biblia

³ Aku mismu isakuil ke at itiwalag bilang miembru na ning balen Israel, nung ing ninuman munie yang anak kang Molek. Kalapastangan ing anti kaniting dapat king kanakung santuaryu at king banal kung lagyu.

Levitico 20:3 Iomraidhean Croise

Exodo 30:33

Ninumang gawang kalupa na sangkap niti at saka na gamitan iti kenu pa mang e pari, e ne malyaring mibilang pang miembru na ning kanakung balen.

Ezekiel 20:39

Nganang sasabi ning Ginung Dios, At ngeni, ikayung sablang Israelita, bahala na kayu king kekayung sarili! Sulung, sumuyu kayu karing kekayung idolo! Oneng ipauna ku kekayu king kaybat na nita aku ing pamintuan yu at patugutan yu neng lalapastanganan ing banal kung lagyu king kapamilatan na ning pamiyain yung ain karing kekayung idolo.

Ezekiel 5:11

Anti na ning aku ing mabie Ginung Dios, oyni ing asabi ku: uling dinatan me ing kanakung Templo king e mayap at king makasumaming pemaniapat mu, isuka da ka at e ku malunus keka.

Levitico 15:31

Makanyan yu lang ingatan ding memalen na ning Israel tungkul king karelang e pangamalinis, nung ali mate la arapan na ning altar ku, ing Ginu, a atyu libutad da, nung dinatan de.

Levitico 17:10

Maging kalaban ke ing ninumang mangan daya at itiwalag ya king kapulungan, Israelita ya man o dayuan.

Levitico 18:21

E me babie ing ninuman karing anak mung babai para magamit king pamanyamba king dios a i Molek, uling iti kalapastanganan king lagyu na ning kekang Dios. Aku ing Ginu.

Levitico 19:12

E kayu mangaku king kapamilatan na ning pamangamit king lagyu ku, nung e yu mu rin tuparan ing pangaku yu; kalapastanganan iti king lagyu ku. Aku ing Ginu.

Levitico 20:4

Nung e ra pinsingan ding memalen ing depat nang pamaglapastangan at e re pepapate,

Levitico 21:6

Sukat lang maging banal arapan ku, ing Dios, at e lalapastangan king lagyu ku. Ila ring miyayain ain-a-pamangan kanaku, inya sukat lang maging banal.

Levitico 7:20

oneng ing ninumang e malinis a mangan kaniti, mitiwalag ya king balen ku, ing Dios.

Levitico 7:21

Antimu rin, ing ninumang mekatagkil king marinat a tau o animal o nanumang bage makasumami, at kaybat mangan ya kaniting karni, mitiwalag ya king balen ku, ing Dios.

Ding Bilang 19:13

Ninuman ing tagkil king bangke ning tau at e na linisan ing sarili na king danum a para kaniti, dirinatan ne ing Toldang tuknangan ku at sukat yang itiwalag king balen ning Israel, uling e ya miglinis. Inya manatili yang e malinis.

Ding Bilang 19:20

Nung ing taung mituring a e malinis e ya maglinis king kapamilatan na ning danum a paglinis, manatili yang e malinis. Itiwalag ya pa king balen na ning Israel uling dinatan ne ing Toldang tuknangan ku, ing Ginu.

2 Corinto 6:16

Makananu lang malyaring makapisanmetung ing Templo na ning Dios at ding idolo da ring paganu? Itamu ing templo na ning Dios a mabie! Ing Dios mismu ya ing sinabi, Manuknangan ku at antabayanan ku la; aku ing maging Dios da, at ila ding maging memalen ku.

1 Pedro 3:12

Uling makalawe ya ing Ginu karing banal at parati yang makiramdam king karelang panalangin; oneng e ya tutula, karing darapat marok!