Levitico 20:2 - Ing Mayap a Balita Biblia

² Sabian mu karing memalen na ning Israel king ing ninuman karela o ing ninumang dayuan a makipamalen karela a miyain karing anak na ban magamit king pamanyamba kang Molek a kikilalanan dang dios paten ya king kapamilatan na ning basibas batu.

Levitico 20:2 Iomraidhean Croise

1 Ari 11:7

King bunduk dane aslagan na ning Jerusalem karin ya pepagawang altar ban karin ne samban i Kemos, ing makasumaming dios da ring Moabita, at antimu rin kang Molek, ing makasumaming dios da ring Ammonita.

2 Ari 17:17

Dilukan da la ring anak dang lalaki at babai bilang ain-sakripisyu karing dios da ring paganu. Sinangguni la karing mamamanula ampon mangkukulam, at king akakit na ning Ginu pepakasangkapan da ing sarili da king pamangawang e mayap. Inya mimua ya karela ing Ginu.

2 Ari 23:10

Pepalasak nia naman ing Tofet king Kapatagan ning Hinom ban ala nang makaduluk pang anak da bilang ain da kang Molek.

2 Cronica 28:3

Dinuluk yang insenso king Kapatagan ning Hinom at inain na la ding sarili nang anak a lalaki bilang ain-a-durulukan karing idolo. Tikian na ing makasumaming ugali da ring bansang tinabi ning Ginu king gabun a pupuntalan da ring Israelita.

2 Cronica 33:6

Binie na la ding anak nang lalaki king Kapatagan ning Hinom bilang ain-a-durulukan. Mewili ya king pamamanula, pamangulam, pamanialamangka, at meniawad yang turu karing mamag-espiritista. Tune e ustu ing depat na king akakit na ning Ginu. Inya pepamua ne ing Ginu.

Ding Dalit 106:38

Pete da la't inain ding anak dang ala pang kamalayan, inya ing lugal a ita king daya da karin ya midinatan.

Jeremias 32:35

Ginawa lang altar para kang Baal karin king Kapatagan ning Hinom ban ibie da lang ain-sakripisyu ding anak da para kang Molek, ing kikilalanan dang dios. E ku inutus karela ing daptan da iti at e bitasang linub king isip ku king daptan da ing makanyan a bage at tairan da la ring memalen na ning Juda king pamikasala.

Jeremias 7:31

Mitalakad lang altar king Kapatagan ning Hinom a ausan dang Tofet ban karin da la iyain king api ding anak dang lalaki at babai. E ku inutus ing daptan da iti; e man bitasang linub king pamisip ku iti.

Ezekiel 20:26

Pepaburen ku lang dinatan da ing sarili da karing mismung ain da, at pepaburen kung ibie da lang peka-ain ding pangane rang anak a lalaki ban parusan ku la; gewa ku iti ban ipakilala ku karela king aku ing Ginu.

Ezekiel 20:31

Angga man ngeni babie kayu namang regalu at dirinatan yu ing sarili yu karing idolo da ring makatua yu king kapamilatan na ning pamiyain yu karing anak yu bilang ain-a-durulukan king arapan da reting idolo. At ngeni ikayung Israelita lalapit kayu pa mu rin kanaku ban ikutang yu nung nanu ing kaburian ku! Kabang aku, ing Ginung Dios, ing mabie Dios, e ku paintulut ing makapangutang kayu kanaku tungkul king nanumang bage.

Ezekiel 23:37

Dinapat lang pamakipangalugud at pamakamate tau; pamakipangalugud a kayabe da ring idolo, at pamakamate karing anak a lalaking ayanak ku karela. Inain da la ring kanakung anak bilang ain-sakripisyu karing karelang idolo.

Ezekiel 23:39

King mismung aldo a pete da la ring anak ku bilang ain-sakripisyu karing idolo, dinatang la king Templo ku at lepastangan de!

Levitico 17:13

Nung ing ninumang Israelita o dayuan a kayabe yu, makarakap yang animal o ayup a apangan, sukat nang patulu king gabun ing daya na niti at kaybat takpan nang gabun.

Levitico 17:15

Ing ninumang mangan, Israelita ya man o dayuan, king karni na ning animal a mete na kabud o kaya piglapak da ring mabangis a animal, sukat nang pipian ing susulud nang imalan at mandilu ya, oneng ituring yang e malinis angga king kabengian.

Levitico 17:8

Ing ninumang Israelita o dayuan a kayabe ra a miyain ain-a-durulukan o nanumang sakripisyu

Levitico 18:21

E me babie ing ninuman karing anak mung babai para magamit king pamanyamba king dios a i Molek, uling iti kalapastanganan king lagyu na ning kekang Dios. Aku ing Ginu.

Levitico 20:1

Nganang sinabi ning Ginu kang Moises,

Levitico 20:27

Paten ya kapamilatan na ning basibas batu ing ninumang lalaki o babai a makisangguni karing espiritu ra ding mete. Ya ing pepasari king sarili nang kamatayan.

Levitico 24:14

Ilual ye king kampu ing lalaking ita. Ing balang metung karing mekaramdam king pamanagkas na laban kanaku, ing Ginu, itumpak da la ring gamat da king buntuk niting lalaki ban saksian da ing pamikasala na. Kaybat, paten ne ning mabilug a balen king kapamilatan na ning pamamasibas batu.

Levitico 24:16

Paten ya ing magsalitang e mayap king lagyu ku, ing Ginu, Israelita ya man o ali ya. Basibasan deng batu ring sabla angga king mate ya.

Levitico 24:23

Inyang ayari na nang Moises ing pamagsalita na, dela ra ne ing lalaking menagkas king lual na ning kampu, at besibas deng batu angga king mete ya. Makanyan dang tiparan ding memalen na ning Israel ing sablang inutus na ning Ginu king kapamilatan nang Moises.

Ding Dapat 7:43

Ing tolda nang Molek a dios-diosan ya itang kekong pisanan, at ing larawan ning batuin ning idolo yung i Refan; deti pawa lang dios-diosan a gewa yu ban samban. Inya ipayugse da kayu lagpus king angganan ning lugal a ausan dang Babilonia.

Deuteronomio 12:31

E ye sukat sasamban ing Ginung kekayung Dios king paralan na ning karelang pamanyamba karing kikilalanan dang dios. Uling king pamanyamba ra karing kikilalanan dang dios daraptan da ing sablang makasumami a pikakasaman na ning Ginu angga na king sisilaban da la ring anak dang lalaki at babai ban iyain karing kikilalanan dang dios.

Deuteronomio 17:2

Nung king metung karing balen a babie na kekayu ning Ginung kekayung Dios ating lalaki o babai a mayakit darapat e mayap, lalabagan ne ing kasunduan,

Deuteronomio 18:10

Ala metung man kekayu ing malyaring silab king anak na ban iyain king altar ning Dios; e kayu darapat nanumang pamamanula o pamanawas o mangulam

Deuteronomio 21:21

Kaybat na nita, ding lalaki na ning balen basibasan deng batu ing anak angga king mate ya. King makanyan a paralan ye alako king libutad yu ing e mayap a anti kaniti. Mibalita kanita iti king mabilug a Israel at mika takut la ring tau.

Deuteronomio 22:21

kanita ilual de king bale nang tata na. Basibasan deng batu ding lalaki na ning balen angga king mate ya, uling dinapat yang maragul a kamarinayan king balen Israel at king pamilya na. King makanyan a paralan yu alako ing e mayap king kalibudtan yu.