Levitico 20:12 - Ing Mayap a Balita Biblia

¹² Nung makipangatawan ya ing metung a lalaki king manuyang nang babai, paten la. Mikasala lang parehu. Ila mismu ding pepasari king sarili dang kamatayan.

Levitico 20:12 Iomraidhean Croise

Genesis 38:16

Lepitan ne lele na ning dalan at ngana, Magkanu ing sisingil mu? (E na balung Juda king ya ing manuyang na.) Nanu ing ibie mu kanaku? nganang mekibat Tamar.

Genesis 38:18

Pekibat na, Nanu ing buri mung isangla ku keka? Ing singsing mung panatak at ing babat ampon tukud, nganang Tamar. Binie na lang Juda ding pakiduang na. Sipingnan ne at mebuktut ya.

Exodo 22:2

Sukat yang mamayaran king penako na. Nung ala yang bitasang pamayad, sukat yang mipisali bilang ipus ban abayaran na ing penako na. Nung ing animal a mepanako baka ya o asno o tupa, at mayakit yang mabie pang atyu king sakup na; sukat neng bayaran dobli ing balang animal a penako na. Nung mebante ya ing manlub neng bengi, at apate ne ning makibale, ala yang pakibatan ing mekapate. Nung iti merapat neng aldo, atin yang pakibatan ing mekapate king kasalanan pamakamate tau.

Levitico 18:15

E ka makipangatawan king manuyang mung babai, uling asawa ne ning anak mu.

Levitico 18:23

E ya sukat makipangatawan ing ninumang lalaki king kaisanu mang animal. E na naman dapat babie ning babai ing katawan na king metung a animal; ing anti kaniting dapat tune e mayap.

Deuteronomio 27:23

Isumpa ya ing ninumang makipangatawan king katuangan nang babai. At ding sablang tau makibat la, Amen!