Levitico 20:11 - Ing Mayap a Balita Biblia

¹¹ Ing lalaking makipangatawan king metung karing asawa nang tata na lepastangan ne i tata na; paten ya at ing babaing kayabe nang mikasala. Ila mismu ding pepasari king sarili dang kamatayan.

Levitico 20:11 Iomraidhean Croise

Levitico 18:6

E kayu makipangatawan karing malapit yung kamaganak. Aku ing Ginu.

Amos 2:7

Daramusakan da la matulid ding maina at ding lipit a alang akarapat at panabi da la ring pakakalulu. Ing kayanakan a lalaki at ing tata na parehu deng sisipingnan ing ipus a babai. King uli na niti, lalapastanganan de ing banal kung lagyu.

1 Corinto 5:1

Mibalita kanaku king ating mangapalyaring imoralidad libutad yu, bage a tutung makarine a e ra daraptan agyang ding paganu. Mibalita kanaku king ing metung kekayu pakiabayan ne ing dara na, ing asawa nang tata na!

Deuteronomio 22:30

E ne sukat pagnasan ning anak a lalaki ing ninuman karing asawa nang tata na o sisipingnan king pagkeran.

Deuteronomio 27:20

Isumpa ya ing anak a lalaking makipangatawan kaninu man karing asawa nang tata na, uling iti kalapastanganan kang tata na. At ding sablang tau makibat la, Amen!

Deuteronomio 27:23

Isumpa ya ing ninumang makipangatawan king katuangan nang babai. At ding sablang tau makibat la, Amen!