Levitico 2:14 - Ing Mayap a Balita Biblia

¹⁴ Neng ing yayain yu ibat king mumunang bunga na ning pupul yung binutil, sukat ing misingle na iti o kaya giniling na.

Levitico 2:14 Iomraidhean Croise

Genesis 4:3

Dinatang ing aldo at i Cain migdala yang aibie na king Ginu ibat king bunga na ning gabun.

2 Ari 4:42

Misan munamang aldo, ating taung ibat king Baal Salisa a linapit kang Eliseo. Magdala yang aduang pulung pirasung tinape a megawa king mumunang pupul a sebada at ditak a binutil a bayung pupul. Nganang Eliseo king kasaup na, Iyapag yu la karing tau ban kanan da.

Levitico 2:15

Tugtugan yung larung olibo at dinan insenso.

Levitico 2:16

Kuanan na ning pari itang dake dulukan ampon ing laru at insenso bilang tanda ning e pamangalinguan. Iti ya ing ain-a-pamangan para kanaku, ing Ginu.

Levitico 22:29

Tukian yu la ding tuntunan potang miyayain kayung ain-a-kapasalamatan ban maging karapatdapat kayu.

Levitico 23:10

Sabian mu munaman karing memalen na ning Israel king potang manuknangan na la king gabun a babie ku karela ing ibie ra sa king pari balang mupul la ya ing mumunang kaptas a binutil na ning pupul da.

Levitico 23:13

Iyabe yu kaniti ing apat a litrung arina a semutanan larung olibo bilang ain-a-pamangan. Babie tula kanaku, ing Ginu, ing bau na niting ain. Magdala kayu namang metung a litrung alak bilang ain-a-inuman.

Levitico 23:20

Iyain ne ning pari ing tinape a kayabe ding aduang biserung tupa bilang ain-a-makapasubali kanaku para karing pari. Sagradu la deting ain.

Malakias 1:11

Gagalangan da ku ring tau manibat king metung nang suluk ning yatu angga na king sumangid na. Nu man karin duruluk lang insenso para kanaku at miyayain lang karampatan a ain-sakripisyu. Gagalangan da ku ngan!

Ding Bilang 28:2

Iyutus mu karing memalen na ning Israel king miyain lang ain kanaku; ain-a-pamangan king mitakdang panaun. Babie tula kanaku, ing Ginu, ing bau da reting ain.

1 Corinto 15:20

Oneng ing katutuan sinubli yang mebie i Cristo, at ya ing katunayan king ding mete subli la namang mie.

Deuteronomio 26:2

kuma ya kanita ing balang metung kekayu karing mumuna nang bunga ning pupul na. Idatuk la reti karing lulanan at idala ketang lugal a pilinan na ning Ginung kekayung Dios ban karin ya samban.

Kapahayagan 14:4

Ila deti ring lalaking e mika kaugnayan karing babai; birhen lang lalaki. Tutuki la king Kordero nukarin ya man munta. Meyatbus la karing tau ban maging mumuna lang ain king Dios at king Kordero.